由林美戀談起——藝人基督徒,係咪好好撈?

 

由於最近裕美林作單野好Hit,令我思考不少關於基督徒見證失腳的問題。教會好鐘意請人講見證、不論瀕死見證又好、藝人見證都好,但我個人真係幾怕聽見證。

首先講番裕美單野。其實失唔失婚家唔家暴、這統統都不是我關心的事、起碼我不會 stigmatize 你,就我而言呢D根本唔係我在乎的事。我關心的是,你之前去咁多教會見證、佈道會,你當時「好榮耀神」,但你之後所展現出黎的生命卻唔係果回事。當年13年你結婚,又話「發覺大家因著神擁有相同的價值觀,相處起來就比較容易」,咁16年離婚果陣又唔知係咪因為神呢?(BTW搞到我而家有少少怕去婚禮聽人講見證,天知道日後離婚的會是誰…)

而,無論16 年背夫偷食單野又好、現時與非基林作拍拖都好(雖然個人而言基與非基我是ok既…~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行無可避免會被公眾品評、故此做藝人也的確要僅言慎行。而再加上基督徒身份,一言一行更代表基督教,代表上帝兒女之名。自己未能做好見證,但又想囉基督教光環?但教會又會好配合架喎,真係讓人無言。

當然,失腳又豈止裕美一人,之前更大鑊的兩恆-周永恆與張致恆的信仰失腳程度更為嚴重。唔知邀請過呢兩位講見證做訪問的教會/傳媒又有無認自己衰仔左?另外好坦白講,食女無數既男人改耶歸正勸人唔好再食女打飛機(Sor 我是講高生唔係講兩恆,又Spin遠左…),真係好無說服力。你食左幾十年女都食飽啦、而家先黎講D咁既野?我淨係覺得你囉盡甜頭之後就勸其他人一開始唔好食甜品囉,咁公唔公平先?

所以我好怕聽見證,其中一個最大原因是因為始終「人非完人」。一個人一定會經歷高高低低、「好過的人」都可能變「壞左既人」。我沒有道德潔廦,我在乎的反而是教會的態度,教會過於高舉人的結果就是抵受不了人的墮落。我接受唔到教會對於請過失見證佈道者去佈道的情況不聞不問、佈道者即便失腳、也好似「乜都無發生過咁」,依舊在教會中自high以為人人信左主就「由罪人變好」,甚至刻意不談佈道者的墮落。我在乎的是訪問過她基督徒身份的耶教傳媒、對於他們「由罪人變好」情況煲到有咁大得咁大、咁佢地再次失腳的事、你又有無講?而家係咪玩粉飾太平報喜不報憂?

另一方面,藉「信耶穌」爭取曝光率亦是這個現象的大問題。藝人信主,會引來很多訪問、講見證、甚至做節目機會,這些機會都是作為藝人曝光的一個途徑。容我直言,上述藝人(裕美/周永恆/張致恆/高生)都不是一線紅星,他們最為人所知的,也倒是因為他們是基督徒身份而帶來的種種曝光機會、以及其醜聞。因為「信耶穌」所以有Job做有光環拎,係咪咁?但作為社會中較知名的基督徒藝人,他們又有沒有擔戴起應有的見證責任?

最後忍唔住賴番落政治方面。呢一年黎香港有幾動盪大家都知,但基督教教會潛水不在話下(咁公平D講句有D是有企出黎既,不過唔係大宗派亦唔係多)、果班藝人基督徒又去左邊?一日到晚wewewawa話上帝對自己幾咁好,但耶教瀨共者卻不少、例如「紅」到發紫既王祖藍同宇宙漿便是一例。你作幾多首講信仰的歌曲但你瀨共,我一樣覺得作嘔。Sorry,我相信上帝唔會想人瀨共,黃藍是政見黑白是良知,良知都未有咪話上帝好愛你,我覺得你借上帝囉曝光率咋。

 

作者:殷琦

殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 208172
Date: 2020-07-07 05:24:50
Generated at: 2020-09-19 21:54:38
Permalink: https://www.vjmedia.com.hk/articles/2020/07/07/208172/由林美戀談起-藝人基督徒,係咪好好撈?