【現代巫師點滴】風水佬亂set 嘢,古靈精怪圍住間屋開Party,可以點解決?

文教 / 最新文章綜覽

 

好多香港人都信風水,甚至肯比好多錢去請風水師,但你又有無諗過,其實風水佬個行頭真係亂到PK,無料嘅事少,有料嘅你真係知佢放啲咩喺你屋企?放鬼仔呢啲真係小兒科,聽啲行家講,有人變態到放「人胎」喺客人屋企…

琴日小白就接左個求助個案啦,由於佢約嘅時候係預約其他野,約好佢先講內容… 好啦… 照做啦咁。

呢位年青女士都算係幾有錢個類,通常呢啲富貴嘅客人,都會吸引好多江湖術士,無所不用奇技咁搜刮佢地啲錢。今次亦都唔例外,個風水佬仲非常大咬,搞完阿媽搞阿仔,搞完阿仔搞個女,而且為左鞏固佢必定拎到成個家族嘅錢,借風水之名喺客人屋企放奇怪野,仲叫阿媽拎女女啲頭髮同衣物…

一聽到呢到,就知條油落降啦~佢仲要狼到,日日遠程吸條女啲精氣,仲逼條女同佢結婚,周圍同人講呢個係佢老母(老父少妻play),仲話已經一齊訓過乜乜乜。

小白就盡力幫佢處理左,詳情就唔講太多啦,總之就變態,但係!好戲在後頭!

有我Facebook嘅朋友仔,都見到我琴晚屌哂老母架啦~因為我下午幫條女處理完,半夜一點幾個風水佬放野搞我囉!

平時大家睇下靈異相、撞一隻半隻鬼就WeWa鬼叫,不如諗下一次過有超過50隻鬼怪精怪搞鳩你,會係咩感受?係,呢個moment成堆野黎哂我屋企啦。

當然我一早算到佢會有此一著,11點幾個陣已經開定壇等佢,但無諗過佢咁狼死,都係有幾隻勁野漏網之魚入左屋,有兩隻係得個頭臚嘅妖怪,一黎就咬住我兩邊手臂,另外仲有隻兇神惡殺嘅貞子狀物體企在喺廁所,其他入唔到屋就圍住間屋開Party…

好可惜,佢真係搞鳩錯人了!科科!小白雖然一直以正氣自居,但係最和平嘅國家都係有一堆核彈頭嘅~半夜三更激親我,真係死撚硬阿佢。

呢個世界有啲野叫「必要之惡」,靈界都一樣有正義聯盟處理唔到嘅問題,就正如觀音菩薩打鬼嘅時候係會以夜叉王現身一樣。小白嘅秘密武器就係「靈界黑社會」- 黑白無常!佢地其實都係神祗黎,唔係啲咩鬼怪,平時啲驅散淨化對佢地基本上係無效,無可能掃個神出門口阿…

但佢地嘅行動就極度我行我素,下次再同大家講第一次見個陣佢地點玩鳩我(比朋友笑足十年…),見到啲鬼怪唔係驅散,係直接暴力爆頭,又拉又鎖咁。吸引力法則,正常嘅時候小白真係好少會叫佢地黎,因為同地獄太接近,自己遲早都會跌落去,我叫佢地嘅次數真係一隻手數得哂。

今次呢壇野比較大,黑白無常要求我提供兩種酒… 平時啤酒佢地都殺架,今次要我開酒先肯郁… 始終係地獄神嘛,唔係光光愛愛求下佢地就得… 真係要倒兩大杯酒(對,大大杯)係窗台先肯郁架…

我倒完兩杯酒之後,屋企就秒清場,白無常拎把扇周圍片,屋內精怪全部碎撕萬段,屋外開緊Party個班就雞飛狗走,換來嘅就黑白啲手下(鬼差)喺到開Party飲酒。

仲未完,白爺搭住我搏頭問我:「喂,要唔要搞埋個邊先?我地忍佢好耐架啦,當然唔會整污糟你對手啦… 你明嘅?」係,同黑白大爺對話就係咁chill… 我都好明白佢地呢句「提水」係講緊咩,因為靈界係有靈界嘅規矩,但總有法律罅嘅… 我就向上天祈求:「我希望對面祭壇嘅眾生都可以離苦得樂,一切因緣業力加速到此刻報現!」

一講完之後,白爺就帶住歡樂鬼魅嘅笑聲飛左去風水佬個壇個邊,一條白光柱炸爆左個壇,飛左成千隻精怪鬼魂出黎,當然黑白爺就歡樂地又拉又鎖又殺,觀音菩薩都以夜叉王樣出現,好似EVA初號機暴走咁食哂啲妖怪同死屍。

當然個壇困住嘅唔單止惡靈,其實都有班孤魂野鬼鎖左喺個邊,做風水佬嘅替死鬼,幫佢食哂啲業力果報,因為而家未到七月,啲鬼放哂出黎唔知點走,黎哂我屋企羅… 又搞左半粒鐘去超渡佢地… 風水佬無哂啲檔箭牌,真係等黃天擊殺啦…

搞完一輪都三點了…

所以,之前啲文都有講,小白真係勁唔想接呢啲job。表面上好似見我一個鐘就就生龍活虎、人生重來,但係慘在我返屋企仲要處理啲蘇州屎!重點又唔係比十萬九千七我…

不過都係個句羅,師傅教落要有求必應,有問必答,有答必準!最多咪係出下文屌下… 無咩事我出返去繼續食屎先… 掰掰…

 

【現代巫師點滴】

幫少女驅白蛇,佢唔多謝不特止,仲. . . . . .

遊魂野鬼入左人型公仔,趕走佢仲難過cut 有線!

我地呢行都有西客?叫我去驅鬼通常都西. . . . . .

 

 

作者:小白

擁有超凡視力的人,低調解說平行空間。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208199
Date: 2020-07-08 16:31:25
Generated at: 2020-08-11 06:40:27
Permalink: https://www.vjmedia.com.hk/articles/2020/07/08/208199/【現代巫師點滴】風水佬亂set-嘢,古靈精怪圍住間