如果要移民,都要真係要好問心,自己可唔可以接受到好多野真係二等公民mode?

 

 

有時見到啲人講到話外地無種族歧視,有歧視都係自己問題…… 其實講得呢啲野嘅人真係少年你太年輕了。

如果你問人,德國有冇種族歧視,隨住你問嘅人嘅背景唔同,大家都會比好多唔同嘅答案你——小至喺街上面對住你chingchangchong或者係打鳩你,如果你係一個白人男人,遇到呢啲事嘅機率係會少啲-唔係話無,如果你比人聽到可能你係波蘭口音嘅,咁真係有機會比人追住嚟掟野;如果你係亞洲男人,但係生得超高大嘅(起碼要到180),咁可能遇到呢啲事嘅機會又會少啲;隨住你嘅社經背景,衣著,同身型嘅唔同,你喺一個社會所經歷嘅事都會有唔同。

咁多年嚟講得太多我喺街度比人點樣蝦嘅例子,今日想講一個喺做嘢嘅例子。

而家我喺一間影樓度打工,間影樓已經出咗柏林,搭火車加單車要個半鐘或者兩個鐘先到嘅地方做野。(唔踩單車靠啲死人村落巴士有機會會塞車遲到)啲客人基本上都係清一式德國人,又或者係德國波蘭邊境嘅波蘭人(我只係從佢地嘅姓氏同口音去估啦)佢地都真係唔係同柏林啲大城市人,柏林城市入面啲人見到你亞洲樣,分分鐘仲會話「你邊度嚟架」「你講到德文好好呀」當然呢個都會create另一種問題(喺度大嘅vietnamese german 成日都比人問),但係想講嘅係喺大城市嘅人會對住非白人會多少少嘅認知同包容。

佢地見到我一個亞洲女仔仲要咁矮嘅,有啲客人都可以真係好唔友善——未必會講出口,但係我見到佢地點樣對我店長,就會明白其實應該都真係關我個人個樣嘅事——店長係一個廿歲嘅女仔,但係由十六歲開始職訓到職訓畢業再直升機咁一年之後上去做店長,佢行出嚟嘅感覺都已經好唔同,雖然細我五年,但我都叫佢一聲姐-就算係另一個女同事,十九歲,香港話語都係靚妹啦,但都真係比較高大,啲客會-唔可以會好有禮貌,但至少唔係發哂脾氣嗰種對住佢

有時我店長見到我比客蝦,佢會即刻走出嚟幫我平亂直接屌客,啲客一見到佢就會即刻收皮走(試過一朝比客屌三次LOL,其中一個理由係我無辦法即刻serve佢,但鋪頭爆哂廠)老細次次都保我,battle返轉頭,「咁係咁架啦你見唔到好多人咩,等下囉,下撚下都即刻呀而家?」一野收哂啲客皮-而店長都會同我講,我要有自信啲屌返轉頭,「你已經咁細粒你唔再有自信啲你真係會比客蝦到上心口架!」

當然我都好慶幸店長唔係屌我咁廢而係鼓勵我叫我要企好,有自信地屌客,但其實就算我喺度已經咁耐,喺德國一齊住嘅都係locals,但係係大學生,同我而家對緊嘅超級local 客真係好唔同,我啲客係分分鐘最遠去過嘅地方係西班牙嗰個可以講德文通行嘅Mallorca,我就算識講德文,我個accent都會令我有時都會蝕咗道氣。

當然,可能真係好多因素炒埋一碟,但只係想講,喺外地仲要唔係講英文嘅地方,仲要係一個咁撚矮嘅亞洲女人,真係堅仆街磁石,你唔撚tough啲啲獅子老虎會走嚟咬你,如果唔係點解我會變得愈黎愈惡?因為你唔惡你就會比人蝦到上心口,小至喺街,大至喺做野都係,我都仲未講就算係白人德國女人,都好難爬到上公司高層,呢度好多公司啲老細個個都係potentially因為後天食得太多野要打胰島素嗰種樣尸位素餐成日喺度鳩up嘅白人男人囉。

如果要移民,想知道當地大約係點,喺你問人嘅過程,你都要睇埋呢位移民嘅背景(德國嚟講係,佢屋企本身有冇錢,佢係做邊行,係咪做藍卡戶,佢係咪白人,佢係男人定女人,佢有冇戴頭巾之類)佢嘅基本設定好影響佢對於一個地方嘅觀感同經歷,愈多仆街磁石tag(例如話女人,本身唔係白人國家嚟etc,唔係藍卡撚)呢啲得出黎個觀感通常都會愈差lol

喺我嘅諗法就係,如果要移得民,都要真係要好問心,自己可唔可以接受到好多野真係二等公民mode,喺街都要無啦啦比人挑戰你,你可以話喺香港都係二等公民,咁我會問你,咁你問咗香港啲brown people 未?

畢竟你唔係白人如果又唔係藍卡撚真係好多野都要咬緊牙關-如果無咁嘅覺悟,真係好好三思係咪真係要走,亦都未講,好多有能力走嘅,可能本身喺香港搵嘅錢都真係唔差,我基層人工都交30%稅走,香港人工稅後有時仲要比呢度local更加好,但嚟到真係有機會人工同社會地位都跌幾級,仲要你有咩事睇心理治療都好多時要講德文,而呢樣野嘅滋味,就算我寫幾多字,寫到繪形繪聲都難以言傳呀~

當然,我亦都有見過有朋友可能係三十歲先嚟,都叫做somehow manage 到,當然都真係好辛苦,所以都真係睇你有幾好彩同你有幾tough 嘅講真。

 

P.S. 藍卡撚即係EU Blue card,係一個特快拎永居嘅計劃,如果你係短缺工種類,搵到過41808 歐稅前一年(2019數據),又或者係53600稅前(非短缺工種類),咁你就可以18個月內永居,德國嚟講除咗傳統精英,N展撚 IT9好多都係藍卡撚,我成日笑稱Blue card 撚係移民入面嘅藍血撚,去外國人事務局續簽證基本上唔洗排隊(其他人嘅話你係可以夜媽媽三點去排隊,記得唔好飲咁多水),又睇少好多面色,好彩有公司幫你搞仲可以去比商務客嘅簽證部,簽證嘅黑卡客咁,而我呢啲就梗係無可能係藍卡撚啦 :o(

P.S. 2 咁你一定會話,咁辛苦你又唔走,第一我返香港有咩做?乞食呀林鄭都係比五百阿婆唔係比我啦,第二係呢度新紮職都有廿五日年假同埋租金無咁癡線咁囉(但柏林樓價呢幾年都升咗超多),即係講咁多,移民呢家野真係似打機,真係如果你唔係尊貴人種同屋企好有錢,都真係換過個server 打機但係server 都一樣可以spawn 咁多怪出嚟比你打

 

作者:柏林小步兵

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 208254
Date: 2020-07-10 04:20:31
Generated at: 2020-09-19 10:36:11
Permalink: https://www.vjmedia.com.hk/articles/2020/07/10/208254/如果要移民,都要真係要好問心,自己可唔可以接