【防疫小知識】濫用消毒藥水洗下體，影響細菌群落平衡後果嚴重

武漢肺炎有社區爆發跡象，好多人為求身體健康，都好落力做足預防措施，其中「消毒」成為好值得關注嘅詞彙。

本宮有位護士姊妹，部門近日收左一宗新症，下體痕癢及懷疑子宮潰瘍，一問之下，該女士承認自己沉迷「消毒」，用某大品牌「滴__」消毒藥水洗下體。護士姊妹同事診症時懷疑，病人曾經使用「滴管」插入下體，以消毒藥水灌洗陰道，情況令一眾醫護擔憂。

消毒藥水對細菌殺無赦，真係對身體健康好咩？其實唔係，絕對唔係。

人類全身充滿各種細菌，部份細菌會致病，呢個好多人都知，然而有啲細菌，係同人類「共生」，共生嘅意思，係你中有我，我中有你，彼此互惠互利，陰道有啲細菌，佢地嘅存在反而令其他真係會致病嘅細菌敬而遠之，如果呢類「益菌」被趕盡殺絕，「害菌」就會失控咁繁殖，導致預期唔到嘅感染。相信以上嘅女士就係咁樣搞到入醫院。

護士姊妹提醒，清洗陰道用清水及少量普通肥皂已經夠，陰道有天然自我潔淨能力，無差別殺菌絕對唔應該。

注意個人衞生絕對係好事，不過使用任何消毒產品，請查清楚使用方法。就如戴口罩要cover到鼻樑、亦唔好拉低口罩至下巴位置又再拉上，切勿鳩戴。

作者：容嬤嬤

總編就梗係可以任開分身，開多個扮女人唔得咩？

閱讀後覺得好，請多多讚好及分享～：）