唔怕生壞命最怕改壞名——一合酥與一合口罩

 

 

「一合酥」既源由,係來自三國時期,西涼馬騰送俾曹操既一盒禮物,因未有命名,曹操就寫低「一合酥」之後就行開左。機智過人既部下楊修就透過「捉字蝨」將其拆解為「一人一口酥」仲話承曹操之命分哂俾人食,當老闆返到黎就問楊修點解分哂我啲禮物出去,佢就用佢叻唔切去話人知佢猜透曹操既心機,因而亦成為埋下叻唔切而要被殺既伏線,而一合酥呢個係楊修之死既故事下得到後世既廣傳,亦告示後人做人唔好叻唔切、恃才傲物云云。

中國人向來迷信,尤其係做生意,加上「有唔怕生壞命,最怕改壞名」呢啲諗法既薰陶下,係品牌建立亦都會好小心,而「一合酥」不論送個位(即係馬騰),同佢有關既人(即係楊修)最終都係俾曹操搞到死於非命,係呢啲腳頭唔好既背景下,好少好少人敢勇於利用呢個名黎做品牌建設,而偏偏有間香港公司就用左呢個故事背景黎警惕自身,但亦惹起唔少爭議既口罩公司--一合口罩。係口罩成為切身必需品既當下,佢開創左口罩期貨呢個先導市場,但亦因為咁成為爭議既導火線,短短幾個月既發展可以成為10個人入面至少有一個人討厭呢個品牌,究竟係有系統既攻擊,定係歷史既宿命?我地就黎睇睇呢間公司究竟搞啲乜。

 

由第一波到第三波都冇貨交

病毒從來唔等人,呢個品牌由成立之初正值第一波爆發既高峰,由預購到期貨,交貨期由5月一路延遲、訂購價由「良心價」轉變至平均價比現貨相同甚至更貴,有預購的市民由第一波至第三波爆發都未收到貨。係19世紀已經有人用80日黎環遊世界。咁要用到90日都未出到貨既口罩,咁應該可能係rocket science黎。由有得買到等咁耐至到冇貨呢種煎熬,同埋呢一種期望變失望既期望落差係難免令人沮喪。

 

品質有問題

係佢地面書所見,收唔到貨既人故然係悲劇,但有貨收既人亦唔代表安枕無憂。除左大量涉及品質投訴,除左有指控口罩內有毛髮甚至有蟲等等,更有出現耳掛長度不一,易斷等等的品質問題,而佢地既回應就相當簡單,就係話自己既廠點樣乾淨整齊,點樣無菌認證blablabla,但作為客人買到貨返黎仲要有問題,仲要咁貼身既物品有毛髮,你戴定係唔戴呢?真係好困擾。

 

無檢測證書

口罩幾多攻能達到幾多標準唔係口講就係,正常應該配有檢測機構提供的證書證明口罩的功能係屬於乜野等級包括阻隔病毒的能力,但係呢間公司既網頁同面書都係冇證明提供,亦只係聲稱有乾淨整理既工作間,但又冇直接證明佢既產品既品質有實質保證,所以令到出現有10萬like page亦有成1萬名既苦主大聯盟既奇景。

佢地既回應亦相當直接,就係話人有系統既攻擊,抹黑等等,係長時間既等待之後亦都只為生產延遲而致歉,而至少你亦睇到有唔少退款成功的個案,但個種追究既心力同時間,同埋由有到冇既期望落差,係最令人難受。對於真係想購買口罩既人又或者攞到有問題既口罩既客人黎講,人地真係有心打壓你個間公司咩?又,如果品質做得好,出貨又快,會唔會有咁多人爭議你呢間公司?

睇佢個面書既post,真係唔難發現個種恃才傲物既態度,就係個種我有個口罩機有個最高級既生產環境乜乜物物,其餘一切都係打擊、抹黑,睇返前面佢地成立個故事到呢個品牌名個緣由,真係只能講人類總是重複同樣的錯誤。所謂唔怕生壞命,真係最怕改壞名呀,你話迷信都真係有版你睇。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 律師真係好型咩? by 烏龍
    大律師事務律師也是男人,男人的劣根性在法律界也不能免疫。相反,正正因為很多天真嬌對律師趨之若慕,主動獻身亦大不乏人,單是律師這張名片對某些女士來説可能是一卡傍身,世界通行,所以法律界的男人們在女性市場比較吃香,把妹相對容易也是相識吧。事實上…
  • 暫停六合彩,反映馬會進退失據 by 曾慶光
    今次為六合彩四十五年歷史上,因應疫症而暫停攪珠時間最長(超過二百日)的一次,而且有很多人質疑二零零三年「沙士」時無暫停六合彩。馬會早前公佈截至今年六月,上一年度六合彩投注額僅僅過五十億,對比前一年度大跌近四成,少近三十億。…
  • 【遊戲介紹】死又有咩可怕?《Chronos: Before the Ashes》死一次強一次 by 阿九
    2019 年大賣嘅《Remnant: From the Ashes》,大家都應該印象深刻。同樣由 Gunfir […]…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
歡迎讚好我們的facebook page,免費資訊源源送上。

文章資訊

ID: 208487
Date: 2020-07-23 19:19:11
Generated at: 2020-09-19 09:44:10
Permalink: https://www.vjmedia.com.hk/articles/2020/07/23/208487/唔怕生壞命最怕改壞名-一合酥與一合口罩