如果中共唔認BN(O) 係旅遊證件,係咪係咪即係話中共承認咗BN(O) 真係護照?

政治 / 最新文章綜覽

 

認真講返我認為中共唔認BNO嘅意思先,我認為係唔多關用唔用BNO上大陸事嘅:

首先,佢喺簽《中英聯合聲明》同《中葡聯合聲明》時係想將中國籍派勻全港澳嘅,但又礙於有人係BC又有人係葡萄牙公民仲有後嚟嘅BNO,所以就設定咗:同時有港澳永久居留權同BNO或葡萄牙公民身份嘅人,當佢喺中國領土內就將佢哋嘅外國護照當旅遊證件,從而防止呢批人喺佢哋派完中國籍之後即時因為中國自己個國籍法失去中國籍,同埋喺中國有咩事就搵外國領事館幫拖。

總之就係,只要中共認BNO係旅行證件,BNO持有人就唔會因為有BNO而畀中國當成英國人。

咁如果中共唔認佢係旅行證件,係咪即係話中共承認咗BNO真係護照?拎住BNO係咪會等於入咗英國國民(海外)呢種國籍,然後會自動取消中國籍呢?

如果真係咁,結果會幾好笑。香港人冇咗中國籍,會直接產生兩個後果:1. 特區護照失效;2. 回鄉證失效。咁其實你唔去大陸嘅話,有冇回鄉證就真係冇咩所謂,而如果你係有BNO,有冇特區護照又係冇咩所謂。因為有BNO而令中國籍消失呢個情況只會影響到冇BNO嘅人同有BNO但成日要去大陸嘅人,另外有啲港區人大政協會唔會因為咁而被勒令放棄BNO,我又唔知啦~

然~而~如果你喺大陸仲有親戚嘅,咁就有機會出現另一個有趣情況。中共治下,政治運動達到最高潮嘅時候,一個大陸人如果有外國親戚,係會畀人打成間諜嘅~如果係因為你有BNO突然冇咗中國籍,咁嗰啲細個嚟你屋企搬過你啲玩具走嘅仆街表弟,萬一文革再臨,佢應該……

反正,即係中招嘅都係親共嘅人同大陸人啫,冇咩事嘅~

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208491
Date: 2020-07-23 19:41:05
Generated at: 2020-10-22 06:03:18
Permalink: https://www.vjmedia.com.hk/articles/2020/07/23/208491/如果中共唔認bno-係旅遊證件,係咪係咪即係話中共