【肺炎實用文】筆者剛剛離開了居住大半年的墨西哥,回到香港隔離。

回港前一個星期都在跟不同的墨西哥朋友道別,這段時間世界變化這麼大,今次一別不知何日再見。

我從居住的托盧卡城市出發到墨西哥城,
過境嘅時候由於簽證過期一段時間被人攔截檢查,原本都有心理準備要罰款,不過我同入境處人員解釋咗,因為疫情關係佢哋簽證嘅部門早前停止運作不能幫我更新簽證,所以佢哋都決定直接放行。
之後坐飛機到東京成田機場再回到香港歷時25小時,終於回到我成長的土地。

今次回到香港主要是因為疫情的關係,因為墨西哥的情況日益嚴重,雖然好鍾意墨西哥唔想離開,但是為了安全考量都是決定暫時回到香港。

回到香港之後首先戴上手環,登記電話然之後就去亞洲博覽館放低行李之後做深喉檢測,一直以為深喉檢測係要插一大支野入喉嚨😂原來係有試驗劑吐口水測試,鬆了一口氣。

之後去等候分配房間,因為等候檢驗的時間太長所以政府安排了富豪東方酒店的房間暫住一晚等候檢疫結果。派出旅遊巴直通車把等待檢疫的人士送到酒店。

大概在晚上六點到達酒店,在酒店大堂會每人派一個飯盒,呢個時候我立刻問有沒有可能多拿一個或者任何方式可以叫外賣….因為長途的飛行只吃了一個飛機餐,在香港的整個過關過程接近5小時,已經就嚟餓暈。
結果是不可以的,每人只可以一個飯盒和一包紙包飲品,而且不可以叫任何的外賣到酒店放在門外。只可以購買酒店內部餐廳的食品。

這個時候問題就來了😂餐廳只可以用支付寶、銀聯和信用卡等等的方法付款,但是我本身沒有信用卡而且亦都沒有內地的支付寶等等的系統,所以什麼都購買唔到。
同時間由於我經過的所有機場,包括香港的機場找換店全部關閉,我的身上只有美金沒有任何港幣😂
等於有錢都買不到東西吃,而酒店餐廳的價錢也真的有一點高昂,一個普通的咖喱飯170港幣,一份牛柳接近300港幣….我張菜單傳返比墨西哥嘅朋友,佢哋嚇到面都青埋,我睇到菜單果一刻我真係感覺到我返咗嚟香港了!😂

沒有辦法了,幸好在墨西哥執拾行李的時候放了兩包餅乾在行李中可以充飢一下。
(屋企人問我做乜咁蠢唔喺機場嘅便利店買幾個杯麵先…因為所有店舖都關閉啊!)😂😂

 

實在太肚餓,飲咗兩支水早啲瞓覺。等待第二天早上九點左右派發的早餐。
早餐是一個蘋果、一包蘋果汁和一份牛角包😭😭不夠呀頂,好肚餓呀😭😭呢個時候,香港班所謂兄弟仲要係咁將佢哋食嘅梅菜扣肉飯啊炸豬扒飯啊係咁比圖片我,問我想唔想食….你班賤人一定會落地獄😑

食完之後攤在床上,儘量減少自己的體力消耗。因為不知道要等到什麼時候才有檢測的結果出來可以離開酒店找午餐。
終於在下午兩點酒店通知可以退房離開酒店,也收到了報告自己是呈陰性。然後我們所有安全的檢測者便被酒店踢出去了😂😂
我問門口衛生署的人員,就咁走出嚟?咁而家應該做啲咩?
就係自己找方法去到登記的隔離地點啦!
冇錯就係自己搵車走😱
第一步先要跑去提款,到附近便利店用EPS提款,之後立刻找到願意接載的計程車去大窩口的酒店隔離!

這段時間超級害怕,一來不敢接觸太多的人,二來帶着手環在街上走來走去不知道會不會被人拍下來然後說為什麼隔離者四處跑,登上了各大討論群組就gg了😂

終於到達隔離的地方—葵涌的帝盛酒店,這邊的食物情況比較正常,知道隔離人士需要一天購買不同的食品提供了套餐$250一天三餐。80幾蚊一餐,算係正常可以接受的價錢😂
如果係第一間酒店咁樣$200一餐一日三餐,隔離14日淨係食物都要8千幾蚊有啲難搞😂

同時間叫屋企人攞咗啲物資俾我,佢哋攞咗好多個杯麵比我,肚餓咗咁耐即刻煮一個…然後…佢哋唔記得咗攞餐具俾我😂
望住個杯麵冇筷子點算….
幸好作為一個四處闖蕩嘅魔術師我永遠都會將一套重要的魔術帶在身上,
就是「念力彎曲金屬」!亦因為這個原因我隨身帶着一大堆的叉子,經常在這些時候救我一命*!

 

由於我可以把金屬的叉子變成不同的形狀,例如試過行李箱壞了不能打開我把叉子扭曲成開鎖器的樣子幫我打開,試過過關的時候螺絲批被收走結果用叉子的尾部作為工具把道具安裝,還有多次沒有餐具的時候用來作我的後備餐具😂
我把這個魔術稱之為我人生最實用的魔術絕對不為過。

14日時間真係有啲漫長,依家先開始第一天。好彩呢個時代有網絡同埋我帶咗好多本西班牙文書係身可以溫書,依家期待緊隔離的時間盡快過去可以有機會食個蛋撻飲杯奶茶、食個星洲炒米同埋唔知點解….我好想食譚仔🙈🙈🙈南肉物演3小辣❤️

聽日一定會更好嘅啫,係唔係啊哈姆太郎

 

 

排隊過關等戴上手環

 

每日長期帶着手環感覺怪怪的,成日下意識覺得係手錶想順手除低佢

 

深喉檢測會有一個咁樣嘅袋,入邊有漏斗同埋有液體的管子把口水吐下去,重新包好就可以

 

酒店一千零一的晚餐飯盒

 

讓人心跳加速的酒店餐牌,我想食飯啫

 

喊出嚟的豐富早餐

 

淨係可以叫酒店嘅嘢食,唔可以出邊叫

 

自己搵的士搵巴士走人,去自己的隔離酒店

 

好彩有的士司機肯幫手車我去隔離酒店

 

去到隔離的酒店,勁多行李,包括自己嘢同埋屋企人提供的消毒物資杯麵等等

 

酒店環境同風景都唔錯,不過一諗到要留喺度半個月…屋企人幫手購買大量杯麵和水果在房間做物資

 

作為魔術師隨身帶住幾十隻叉子是很正常的

 

終於遇見的正常餐牌價, $250包一天三餐

 

會落地獄的朋友WhatsApp

 

 

作者:Keanu Ho

Keanu Ho
香港90後魔術師,用變魔術環遊世界歷險,遇見不同的奇人奇事

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208526
Date: 2020-07-25 08:23:24
Generated at: 2020-08-11 06:24:09
Permalink: https://www.vjmedia.com.hk/articles/2020/07/25/208526/【肺炎實用文】筆者剛剛離開了居住大半年的墨西