如果喺戶外中暑,你會唔會除口罩抖氣?

拍照公審唔戴口罩群組非常受歡迎

 

當呢個政府話戶外都強制戴口罩嘅時候,即係話,除咗你喺屋企,否則無論你到商場、坐車定係走出街外,都要戴住個口罩。返到Office,其實仲封密過商場,就算老細無話一定要戴,你都唔敢唔戴。結果,就係你隨時一日十鳩幾個鐘都戴住口罩,唔中武肺,個人都未必有足夠氧氣頂足一日。

講起對付普通傷風感冒,公共衛生意識從來都比政策來得更有效。先利申一下,大概六、七年前開始,未有武肺,我坐車特別係人多擠逼嘅時候,已經會戴口罩。咁唔係因為我有病,而係越來越多人(普遍係廢老、腥港人)缺乏公德心同衛生意識,咳又唔戴罩、打噴嚏又唔掩嘴,經常散播病毒。雖然戴口罩唔係萬能,但的確呢幾年坐車戴口罩之外,係比以前更少傷風感冒。既然自私撚病咗唔戴罩唔掩嘴,咁唯有自保。

咁你會問,武肺前點解我行街嘅時候又唔戴埋罩,更加保護自己?其實,所有野都係搵個平衡點,計算代價與得益。巴士封閉系統,細菌病毒難以吹散,危險度高;同時巴士有冷氣,我又坐定定,就算戴個罩,都唔會辛苦。相反,走到街上,戶外地方空氣較流通,除非條仆街迎面對住我咳,否則中招機會唔大;況且,好似而家大熱天時,喺街戴住罩慢慢行,仲辛苦過唔戴罩跑全馬。

問題係,當所有野都變哂做規條,無哂走盞位,咁如果我喺街外行行下唔夠氧氣,差唔多暈,我可唔可以走去無乜人嘅地方,除口罩抖下氣?唔得。你夜晚、清晨無人嘅時候上山除罩跑轉步,吸下新鮮空氣得唔得?都唔得。

有人喺附近戴罩保護雙方,我明丫;但四周無人,空氣又流通,戴罩嚟托柒?我驚你未中武肺前,已經因為長期缺氧而暈低。祝大家好運。

 

作者:達時製作 (On Time Production)

不平則鳴,乃個人責任。敢言,需要付出代價。但這代價,比社會因為只得一種聲音而步向滅亡,所帶來的代價,明顯小得多。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208601
Date: 2020-07-27 17:24:44
Generated at: 2020-10-22 06:38:55
Permalink: https://www.vjmedia.com.hk/articles/2020/07/27/208601/如果喺戶外中暑,你會唔會除口罩抖氣?