【國進民退】政府只係立心,利用武漢肺炎蠶食香港

政治 / 最新文章綜覽

 

武漢肺炎之後港共政府就一直推行食肆禁制令。

轉眼過咗半年,由限制食客變成禁堂食,好多人見到,以為政府真係有心割血放棄經濟做防疫,但現實港共政府啲政策又邊有你諗咁簡單吖。一個政府部門,一個行會,咁多人,度得出嚟嘅政策絕對唔止表面咁簡單。你諗到嘅嘢,政府點會諗唔到?我好肯定,現實上,推行禁制令係針對香港嘅本地品牌同老字號。而且,唔單止飲食,係所有行業。

香港好多商家丶品牌,一直都係私營或者非紅底企業,例如太平館。共產黨要加快全面接管香港同增加經濟影響力,最好方法就係收購呢啲品牌。呢招絕對百試不厭,收購食肆,再注入支共資金,成間店成為紅底背景或者藍底背景嘅商家,繼而壟斷市場。例如香港嘅三中商就係壟斷市場嘅一大例子,間接迫到大眾執笠,大量獨立書店經營困難。

但係,無咩事,唔會肯俾你收購㗎嘛,所以咪搞防疫禁制令囉:

1.政府最大目的,就係要幫助支共完成經濟侵略,利用經濟差嘅環境,收購丶吞併經營困難嘅品牌,增加支共係香港市場嘅影響力。

2.同時利用香港冰室文化,未來搵親共企業開大量冰室,壟斷同代替經濟崩潰下空窗嘅市場:呢招共產黨係廣東就用新茶樓『點都德』實現咗,令中國人講到廣東茶樓只知『點都德』,我曾經係廣州食過,粉果麻辣嘅,明顯唔係廣州人整。

3.再長遠玩死黃色經濟圈同所有未埋邊嘅商家(例如李嘉誠),

4.令香港市場嘅大部份經濟國有化

5.摧毀香港人嘅集體回憶,以後你出街去澳牛食個炒蛋多士都無,食酸菜魚啦on9

以下係最大可能嘅走向:

衣:由國內大企業收購Bossini,Unique等企業,優衣庫等國企全面進場,中國中小企配合政府未來「重建經濟計劃」進入香港。

食:本地飲食文化逐步消失;或變成中國商人操控,中國中小企來港大量開設餐廳。

住:地產丶酒店由中國人操控

行:收購校巴公司丶九巴丶嶼巴等

同時經濟差意味香港人收入大減或失業,失去財力同消費力,最後無力抗爭,同時亦無力復興香港。

但係好多人好似仲活喺夢中,唔諗過背後可以有咁大陰謀,以為政府真心防疫。

政府若果係真心想要防疫,封咗關啦一早。

 

作者:Lafayette

在讀學生,得閒會睇書寫文,無咩主見,只識講故事。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208620
Date: 2020-07-28 05:23:54
Generated at: 2020-10-22 05:52:57
Permalink: https://www.vjmedia.com.hk/articles/2020/07/28/208620/【國進民退】政府只係立心,利用武漢肺炎蠶食香