【雙人室內運動手記】點解酒店咁平都要去時鐘?因為一定無人隔離14日

香港有嚴重嘅土地問題,就算我哋依家想去扑嘢,都搵唔到房去扑,呢個係好現實嘅問題。所以我哋就去唔同嘅地方試下唔同嘅房間,等大家去規劃同伴侶做運動嘅時候,都可以有更好嘅了解啦。話晒難得有時間,無理由俾錢中伏嘅。

今次去Roomie,首先book 房係利用網上系統自助book 房嘅,咁就唔會怕尷尬同摸門釘啦。而且佢個自助book 房系統其實係對住一個whatsapp ac 同系統互動溝通,連app 都唔使download,真係方便嘅。

 

 

而啲常見問題用佢個互動系統都答到你,幾方便。而且入房都係自助處理,咁就唔怕尷尬啦。

 

 

佢哋採用嘅付款方法都係自己入數後俾cap 圖佢哋,咁就唔怕無端端要俾卡資料,然後個系統俾人入侵啦。

 

 

今次係去尖沙咀分店嘅 2號房,我哋打開房門睇下先

 

 

乾淨企理整齊啦。但係做運動空間以外就無咩地方啦,我影相呢個位後面已經係門口,你本身有個背囊或者手袋都唔知放邊度好。

跟住睇下房間有咩提供先

 

有張枱仔放咗兩支細水,有啲消毒用品咁。

 

隔離有盒紙巾,有啲你唔會太感興趣嘅所謂情趣玩具。

 

入門口見到張床上面有個籃嘅,入面有兩條毛巾,兩支牙刷牙膏套裝,兩對好薄嘅拖鞋,兩張細到唔知有咩用嘅消毒濕紙巾,同埋兩個condom,但係佢個condom 係點我就開過嚟睇,無試過,只可以話你知正正常常囉。不過去做運動,梗係自己自備安全措施先架啦,同埋人哋嗰啲未必啱size 㗎。

 

另外,佢間房有部智能電視,有Netflix 嘅。

 

到個廁所,都係乾淨企理衛生啦。

 

廁所有提供三支沖涼液。

 

我覺得就床上運動空間就唔大唔細,只係啲個人隨身物品,如果唔放地下就唔知放邊好,衫都係,唔通著住做運動咩?做運動唔好撞到牆邊應該唔會嘈吵到隔離房間嘅。裝修就比較一般啦,話無又唔係,有又唔係咁。衛生正常嘅,叫做有執過下啦,冇乜眼見嘅衛生問題。

地點就係尖沙咀彌敦道嘅,地鐵站口隔離,附近又有幾個大嘅巴士站,交通算係叫做方便囉。

價錢我就俾 $200 左右嘅,時間係應該足夠做運動嘅,見過夜都係呢個價錢左右。

但係我就覺得,如果唔係做完運動之後有其他嘢要做,或者過夜搵唔到其他 $200 左右嘅酒店,呢度OK 嘅,但係又幾可搵唔到其他 $200 左右嘅酒店或者時鐘過夜呢,所以呢度除咗地點非常優越之外咩優點都無,俾多少少時間做計劃都未必需要選擇呢度。

 

作者:業餘雙人運動員

熱愛體育。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208636
Date: 2020-07-28 21:04:49
Generated at: 2020-10-22 06:37:22
Permalink: https://www.vjmedia.com.hk/articles/2020/07/28/208636/【雙人室內運動手記】點解酒店咁平都要去時鐘?