【潮文】外賣野餐,臥薪嘗膽

 

夜晚冇堂食,揀野餐地點都要有技巧,第一,要少人。點解?多人咪有傳染風險囉!第二,要靜,食都食得安寧啲。第三,要有蓋,唔係落雨點算?:X

我終於搵到理想開餐地點,一個光猛嘅涼亭,立即大富翁上身霸咗撻地先啦。安頓好,用完搓手液清潔雙手,我將薯條倒落紙袋,落埋包shake shake粉,韓風泡菜味,chok啊chok,每一條薯條都沾滿香料。為咗唔用手指接觸薯條,我成包薯條倒落個口,好似食媽咪麵咁,好有口感。:P

麥樂雞醬我揀咗限定期間嘅星洲咖喱味,甜甜地,幾開胃,一分鐘鯨吞六件。飲埋杯熱Latte,中和返啲味精,都係一種享受,今餐只係用咗$36,抗疫慳錢之選。:)

突然,我身後嚟咗一個四眼肥師兄,佢攞住一桶KFC炸雞,我望住佢流露出驚訝神色,心諗:唔L係一個人食晒成桶雞啊?佢面上似乎有一種自豪感。;)

本來,我仲想同佢乞一塊雞食(但唔係幾衛生),我呢個想法係不設實際,不出幾分鐘,佢已經食晒食桶雞,仲點頭同我Say good bye,喺呢一秒眼神交流中,我已經感受到佢囑咐我要小心肺炎。在心中啦巴打!;>

我回想返九年前嘅七月,我大學二年級做街霸Sell寬頻嘅日子,當時咪又係喺天橋底、馬路邊食飯?仲要同食環署人員玩捉迷藏,有咩未捱過吖?但唔同嘅係,當時係我自己揀,而家就係正苦剝奪埋我堂食權利,食屎啦你班狗官!:S

飲埋最後一啖咖啡,我已經補充好體力,又係時候長期作戰了。今日班撚人要我哋餐風飲露,他日我哋都可以令佢哋屎都冇得食,忍耐下!香港人,加油!:@

 

(利申:非廣告)

 

 

作者:字悠野

字悠野
字悠野,自由嘢。大雞:現為「壹週Plus」專欄作者。主要分享生活見聞、潮流資訊、社會時事等小品。柳之悠:專責發表文學、歷史、藝術主題等雜文。其實,以上兩者,乃同一人。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 208651
Date: 2020-07-28 21:14:54
Generated at: 2020-10-22 05:47:02
Permalink: https://www.vjmedia.com.hk/articles/2020/07/28/208651/【潮文】外賣野餐,臥薪嘗膽