How to turn a 自閉妹on?

情愛點滴 / 最新文章綜覽

 

 

我實在太鍾意Talk sex and shit,但只限齋講,對於要真正實行,係有兩個極端。一係就做過頭,一係就算天時地利人和合哂合尺都好,我都會拒絕或者巧妙咁轉話題。所以好多時,啲人唔係覺得我太Easy,就係吊高嚟賣,甚至係悶。但明明我只係要用啲好旁門左道嘅方法去燃燒我嘅性慾啫。

心理學上,性慾分成四個階段,分別係Arousal,Plateau,Orgasm同Refraction。我就會咁形容嘅,Arousal 係你見到個靚仔靚女,互相嗒糖同挑逗嘅階段。Pleatau就係大家開始有身體接觸,由淺入深咁探索彼此嘅身體,而生理上慢慢進入狀態嘅階段。而Orgasm就係,高潮囉!身體得到快感嘅時候,你嘅身體會感受到無與倫比嘅刺激。而Refraction就係,一切歸零。

而我,係有一個好長嘅Arousal加Plateau phrase,加上我有一個好奇怪嘅系統可以隨時令我Turn off。而呢個奇怪系統就係我神出鬼沒嘅幽默感同埋我異常敏感嘅神經。同人做做吓或Flirt flirt吓嘅時候可以突然間笑咗出嚟或者講啲令人掃興嘅冷笑話、黑色幽默,甚至係感覺唔舒服或太強烈而推開人。無論係男友又好,邊個都好,呢啲情況好不時都會發生。所以要我完全慾火焚身同好專注咁做愛係好難,迫我睇<Too Hot To Handle> 都搞唔掂(Which is 我唔睇),除非我真係好想要同胃口大。如果你淨係講好多花言巧語,又唔俾想像空間我,我真係無反應。但係我會對愛撫同接吻比較敏感,只要你可以掂到我,你已經成功咗十分之一。但並唔代表我起咗痰,就代表我濕咗!我真係試過當我仲吹緊水嘅時候,條友開始鍚埋嚟,然後我幾分鐘之後先發覺到佢嘅慾望。

要令到我濕,先係最重要嘅一件事,唔濕點入呀!我最主要靠文字,情感同愛撫,是但無一樣都唔會有好結果,所以好多時我都係自己嚟。除非我醉酒,如果唔係我都會好似千年處女咁保護自己。曾經試過一蒲就上人哋張床嘅日子,而家因為體驗過太多無高潮嘅性,變得好揀擇,唔想再同人有令人失望嘅性。搵Hook up搵到好似搵結婚對象咁,真係唔會有趣得去邊,但至少會先見一次再決定嘅,唔再係一見就上,失望極有限。

而我亦都相當睇樣,但又未至於要申請加入外貌協會,我唔祈求嗰個人有六塊腹肌或者要好似Jonas Bjerre Terkelsbøl 咁靚仔(請自行Google,而人哋已經結咗婚)。但至少要順眼兼高過五呎七吋先,如果唔係都幾難攪。諗下同一個其貌不揚嘅人做愛都幾難頂,仲要攪完好似無攪過呢下先無謂。

宜家咁多交友軟件程式,好容易就以貌取人,更容易嘅就係落入戀愛或者約炮嘅速食文化,一開始就問人係咪One night stand或者Hook up係幾令人反感,不過都好在啲人夠誠實,唔會浪費太多時間。但我最驚係見完一次就咄咄逼人咁問我有無下一次見面嘅時間, 或者好難同佢傾計,但只要係同性有關嘅就好熱衷,甚至問我想唔想睇佢嘅秘密武器,但你拒絕佢就令到佢嬲豬,或者問你攞極度露骨相(同樣地你拒絕就嬲豬)嘅人。我同過人Dirty talk,而最令我Turn on 嘅,係大家都係影啲隔住件衫呀,隔住張被嘅相,睇到啲又睇唔哂,若隱若現咁先夠刺激吖嘛!

但係而家仲點會有咁多人會等你心靈上Turn on咗先?我係Demisexual都要習慣一下,至少唔好做到第一次約會就做囉。其實俾多啲時間了解大家先,尊重人哋唔想睇你啲「靚相」或者唔想俾你睇私人相好難咩?尊重人哋想要多啲幻想空間或者前戲好難咩?大家都唔會想自己有事,我俾到啲咩人哋,人哋俾返同等嘅嘢我,保障大家之餘仲唔會掃興。就算真係埋身肉搏,甚至發展到成為情侶,溝通同尊重先係最大嘅Turn on囉!

 

作者:SAZI

沙一粒。重要咩?

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 208682
Date: 2020-07-30 08:27:18
Generated at: 2020-09-23 11:07:08
Permalink: https://www.vjmedia.com.hk/articles/2020/07/30/208682/how-to-turn-a-自閉妹on?