【德國柏林直擊】又邊個同我講外國生活好容易嘅,同我print 咗呢篇post 吞咗佢

 

 

話說而家搵緊樓,然後我同阿媽講咗一句話想搬,然後幾日後之後又問我係咪搵到樓 :o(

如果搵樓有咁易就好(又或者調轉講,因為我窮,所以唔易LOL)

件事係,喺柏林真係好多人搬入嚟 + 從世界各地嘅熱錢係咁衝入嚟,咁you know 柏林係性感嘅窮撚,有外資衝入嚟狗衝係正常嘅-咁令到好多住喺度嘅local 真係難搵樓。可能話一個盤可以有50個人排隊睇,如果你唔想排隊咪租貴盤囉囉,起碼7000幾蚊港紙起跳,一個人住,但係呢度嘅人無搵咁多錢可以租7000幾蚊港紙而唔肉痛。問題在於,好多時就算你希望去比多啲錢去租,但如果租金一過你人工1/3,好多時都唔會俾你咁樣租,so yea :o(

咁搵樓唔係話你行去個agent度就得,除非你真係好比得起錢搵agent啦,喺街可以就咁walk in 嘅通常都係你比唔起,(而呢度都唔係周街地產鋪嘅you know)而好多人搵樓都係上網直接搵業主/搵網上agent-柏林樓真係好多人爭。例如話我地個flat有人走,要放一間房出去租,係可以有成百幾200個email衝入黎話想租,所以其實如果係搵少啲/無母幹真係人生會好困難,而我一直住緊呢個flat點解租到係因為租前一間屋嗰時識到人,然後佢介紹我一齊住入去我而家間屋,就一直咁多年啦-而就算當年2013/2014年嘅時候,我租一間房300歐已經比人話仲可以搵平啲,而家2020年,如果你budget 450歐都比人話你low bud,但係問題又返返去,就算我想比多啲,一過人工1/3我都會租唔到 :o( 人生 所以我先會話,要改善生活質素,一定係我要搵到南部啲,近返工啲嘅平樓,一係直接搵過份高收入啲嘅工,但係就算有其他工approach我,我呢啲麻煩外國人個situation真係kic(我要一份full time + 長約工),所以無啦,都真係要慢慢黎,而畢業後最黑暗嘅時間當然都係過咗嘅,起碼就算未過proba都係一份full time 工。

(我一路打都覺得自己kic過鳩毛)

Anyway -

點樣喺云云眾生入面脫穎而出,咁就要有穩定收入+信用証明(Schufa)+最好就有德國人擔保埋你,咁我就無人可以擔保我,得返工先可以。然後網上面有啲搵屋網站,可以比你一站式upload哂所有文件,然後你要寫段字介紹你自己,幫你gen個pdf出黎方便你可以拎比唔同嘅業主睇你係唔會走數,而圖入面就係個pdf個封面-令我有少少諗起香港啲家長幫小朋友報幼稚園咁 :o( 真係同樣都係咁sick。

點解我一直都會咁開心個Schufa係無事係因為做學生嗰時個戶口成日跌到得10歐,又返香港之前唔記得放錢入去,交唔到電費然後差啲比人告,但最終無事(咁以後我就一定keep住戶口要有錢,我戶口錢唔多但係我會有錢架租樓比我啦!)拎到個信用証明返黎見到自己無事所以開心過grad到,master grad cert 唔會幫你搵到樓,但係一張靚仔Schufa 會。

不過不幸中之大幸係,就算一時三刻搵唔到,都唔洗訓街,只係要每日commute 3-4個鐘姐…但係加埋返工時鐘真係令我好崩潰,但真係如果係比人迫遷就真係食撚得屎…

如果有香港人有見到呢段字,希望有人見到柏林南部有租盤請介紹介紹~~或者介紹一份好pay啲嘅工比我,我會用以身相許嘅心情感謝你。

 

作者:柏林小步兵

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 解鎖記 by 健吾
    在泰國演藝圈工作的朋友說,聽說泰國演員之間,都會看不起「拍BL走紅的演員」,會覺得他們沒有演技,用旁門左道上位。只是,在這個時代,如果他們仍看不穿《sex and the city》中,samantha 說的現世代走紅秘笈:「首先是gay,…
  • 【PR】LEGO Bricktober 與你《共闖遊「樂」園》 四款限量版機動遊戲歡度 10 月節慶嘉年華 by VJGamer
     2020 年不經不覺已渡過大半年,準備踏入 10 月之際, 意味著 LEGO® Bricktober「玩」樂 […]…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
歡迎讚好我們的facebook page,免費資訊源源送上。

文章資訊

ID: 208710
Date: 2020-07-31 06:21:14
Generated at: 2020-09-20 09:35:56
Permalink: https://www.vjmedia.com.hk/articles/2020/07/31/208710/【德國柏林直擊】又邊個同我講外國生活好容易嘅