【德國柏林直擊】$4500蚊港紙租樓?可能有嘅,但唔會輪到你。

 

真係睇完都燥,係,雖然佢有講個問題,但係真係呢度的土地問題比條片講得更嚴重-講真,個個都係咁打飛機,講外國點樣平乜乜鳩鳩-其他地方我唔講啦,唔撚熟,但係柏林真係——講真搵樓真係好撚難,我而家有地方住,都係因為托賴自己以前有識人搵到樓一直住到而家,但係如果你話要因為唔同原因(好似話而家我想住近少少返工嗰度),真係無可能搬到屋,因為根本收入唔夠租到盤,盤又多人爭,如果你話4600蚊住嗰啲盤,又可以登記地址乜乜鳩鳩,都真係超多人爭-一個flat可以有幾廿條友喺個街度等睇樓,如果你係外國人又係學生根本無可能租到樓。

我地個flat有五條友,有人搬出搬入,一間房放租出去都有成百幾封email 話想租,我地可能真係見得五六個人,然後啲人係會話會有啲flat 會話叫你做slave,即係你交100歐租or 唔洗交,但係你要做哂所有家務乜都係你要處理;可能話有啲case係d 變態佬係專係只係搵女人做flatmate要同床訓;如果你一個人,喺外國,遇著你partner/老公老婆家暴你,你要緊急搵地方租,sorry如果你窮啲都無地方你租到。

真係,土地問題都唔係真係只係一個dimension只係搵唔到樓住咁簡單,而係真係會搞到有其他問題出黎。

講真,就算話呢度有rent cap,但係而家都仲喺憲法法院入面argue緊呢條law係咪合憲,到今年冬季應該會審完。如果rent cap 違憲就要全部可以再加過-有個盤我睇過係本身1100歐租,然後而家跌到去572,但如果條例違憲又可以再加返上1100歐租。

咁你係我,你夠唔夠膽租?

(不過算啦講到我想租就人地一定會租比我咁)

咁你會問,咁政府無其他policy幫窮人?

呢度有樣野叫WBS (Wohnberechtigungsschein 補貼住房許可證),就係幫一啲低收入人士(我都夠低收入)去租樓。一黎paperwork超煩,就算local都話難到爆炸,(識人有申請),然後WBS 外國人都可以申請架,只要你個visa長過一年咪okay,但係作為一個外國人,你唔知去申請呢啲社會福利會唔會劃花你個record,然後如果你問所屬部門係咪會影響visa,佢又會叫你問visa部門,但係visa部門係電話又唔聽email又唔覆,所以你都係唔會去搞wbs咁囉。

然後有時你都會諗,其實好多人都係好似我咁,都係想有個地方舒舒服服,然後唔洗travel 咁遠,交個稅,租個地方住點解都要咁難?去到一個位我有時見到自己,朋友好難租樓,我已經慢慢會覺得柏林都係一個如果你搵唔夠錢,你唔係做IT startup 你唔係做Biz 呢度已經唔再屬於係可以住你嘅地方-係咪好熟面口?係呀,呢個問題咪就係好似香港咁囉~

講真呀,大家望柏林,遠望梗係好,咩多creative呀夠平呀,但係條片都有講,而家今時唔同往日,第二係個個諗喺外國,就好似只係用1.8大光圈影女只係focus落對眼度,又唔哂張相出嚟睇,用個mac機mon望,真係喺度住喺度咪就係用 f8 然後閃光嗚呀然後乜野毛孔都睇得到囉,即係條女都仲可以本身係靚,但係你會知其實如果真係要睇,每個人都會有好大嘅毛孔,只係差在你選唔選擇去睇同知姐。

 

作者:柏林小步兵

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • AOC ? 真的重要嗎? by 呀刁
    首先,讓筆者解釋一下甚麼叫「AOC」,好讓讀者跟我能在同一個平台思考。報上「AOC」,即是報上自己的戀愛狀況及戀愛次數。例如某女報上「A3」,即是指她目前單身,過去曾談過三次戀愛。其實,「A」是指 「Available」,即是單身的意思;「…
  • “YO” 已經成為同大學生的價值劃成等號 by 筆知所謂
    大學係社會既縮影,只有兩種人係會成功同埋受歡迎,第一種係善於社交既人,大學叫做YO,只要你夠YO,你係大學入面夠多朋友,咁你既價值就可以確立,好似明星咁樣人人都識你,住hall又識,自己個學系又識。第二種人就係交際力普普通通或者係唔主動交際…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 208906
Date: 2020-08-08 07:08:31
Generated at: 2022-09-26 10:00:28
Permalink: https://www.vjmedia.com.hk/articles/2020/08/08/208906/【德國柏林直擊】4500蚊港紙租樓?可能有嘅,但唔