有關m巾問題,我一律建議轉會! 

 

近期連登有篇文章上左熱門,名為「究竟係邊個智障發明薄荷M巾?」網民表示用左呢塊m巾尤如「搽左白花油落妹妹」,成日都覺得涼浸浸咁,又唔舒服又成日凝住濕左係咪漏m呢?有關m巾問題,我一律建議轉會!用棉條或者月經杯啦,真·無感,妳值得擁有。

其實棉條/月經杯並唔係咩新野,但鑑於香港教育問題,常識書上只會寫m巾,香港傳統老母亦大多唔接受呢種侵入性嘅女性用品,覺得會整穿處女膜(其實本身處女膜都有窿,用棉條唔一定會整穿)、覺得好恐怖等等,自己都唔接受又點會叫個女用?導致棉條/月經杯嘅香港市場相對m巾細好多,超市同藥房好少種類嘅棉條賣,月經杯我直程未見過,要去特定商鋪買。對未接觸過棉條/月經杯嘅人,我相信以下三條係最常見疑問。

1)咁大舊放入陰道咪會Un住??陰道前端3–5cm係有感帶,後面係無感帶,放得啱位嘅話乜都feel唔到。

2)下面會唔會愈用愈闊/鬆?陰道係有彈性,用多幾次之後覺得易啲放入去喎,咁係啲肌肉有記境,識得放鬆,唔係陰道鬆左。對陰道緊緻度極有要求嘅可以google下「縮陰球(ben wa balls)/縮陰運動(kegel exercise)」。

3)要塞落去?好大喎?

棉條就得一隻手指粗,月經杯摺埋都只係得1/1.5隻手指粗。如果真係放鬆晒、用埋lube都塞唔落咁可能需要睇醫生,正常陰道係可以容納兩三隻手指嘅粗度。

我自己衛生習慣比較差,子宮頸位亦偏低所以選用導入式棉條。棉條又分指入式同導管式,指入式係就咁靠你手指隊條綿條入陰道無感帶,價錢平啲、包裝體積細啲亦較導管式製造少啲垃圾,但陰道要比較濕潤先用到。導管式會多條紙管/膠管,有條導管會衛生啲同冇乜潤滑都入到。用過六七款綿條,個人偏好日本sofy(ソフィ),膠導管易入,質量好而且台灣都買到。(雖然而家冇得出國,唯有用住屋企啲存庫先)

 

以下係我三年來用棉條同邊有用月經杯嘅朋友總結出黎兩者嘅優點同缺點。

優點:

①完全冇Feel

②夏天/出多啲汗都唔會焗住醃住

③環保(尤其係月經杯)

④可記錄每次流量(月經杯)

⑤水上運動都用得

⑥冇味(經血基本上同空氣冇接觸)

⑦好難漏m

⑧唔會好似m巾咁有移位機會

 

缺點:

①香港較難入手亦較貴

②置入需要時間練習

③未必個個啱用(想留處女膜/子宮頸位太低)

④唔夠潤滑嘅話可能要配合水性ky用(月經杯)

⑤比用m巾雙手更加要保持乾淨(會掂到陰道)

⑥棉條:去廁所時唔記得攝埋會整濕

⑦置入時有異物感

 

咁睇其寶好壞參半喎 咁點解要轉會?因為冇Feel、唔會焗住呢樣已經可以cover晒所有嘅缺點。黎m已經又攰又痛,仲要著住條尿片焗住醃住又驚漏m真係人都癲。如果多啲練習同換嘅時候麻煩少少就可以解決呢樣野又何樂而不為呢?試諗下夏日炎炎底,你見到八婆Natalie坐喺到西住面醃緊臭蟹,行過個個都聞到佢陣m血味。而用左月經杯嘅你去游水又得,點郁都得心情靚爆,快啲轉會and thank me later:)

 

p.s.:唔係業配文,我都想有tampon sponsor:D

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 208923
Date: 2020-08-09 07:13:50
Generated at: 2022-07-02 03:39:00
Permalink: https://www.vjmedia.com.hk/articles/2020/08/09/208923/有關m巾問題,我一律建議轉會!