新任區議員都做咗大半年,盤點一下政績有咩?

政治 / 最新文章綜覽

 

現實話俾我知從來都係高估選民智慧,因為抗爭事件個個都話要撐民主派,從來無人真係用心睇政綱睇對方能力,好啲啲嘅咪話唔投民主黨,然後就係話唔投熱狗,佢地就當好識睇政治㗎啦。

新任區議員都做咗大半年,睇住啲人係區議員嘅page到留言可以分兩大類(嗰啲打手hater唔計啦),一係刁民覺得區議員萬能,當佢權力有如政府,仲想佢蝕住咁做先係幫選民。另一類就係盲目地鳩撐,民主派求其搵嘢做吓,例如數下巴士、幫小店派防疫物資、派政府俾嘅免費防疫物品、派中電俾嘅湯包等,佢地都好似好感恩,講晒感謝、辛苦晒,甚至仲當佢地係偶像咁睇,真係雙眼發光……完全忘記佢地無選民、無抗爭其實佢地乜都唔係(更加唔係特別靚仔靚女,仲有啲真係🤦🏻‍♀️),但就得到明星咁嘅待遇囉~

如果你叫我唔好低估選民智慧,一直以嚟就係唔使高估先有班fan屎跟住班新泛民步伐走,完全在新泛民掌握中。唔係係自己page瘋狂出飛機文,就叫朋友係佢地區page出飛機文,然後就感動到班死蠢選民啦~(話佢地咪話佢地囉,最基本睇穿新泛民戲碼都唔識仲唔係蠢呀?)上年一直講嘅良知乜嚟㗎?政治同利益有關使鬼理良知咩,搞掂班大比數嘅黃絲選民就得啦~我篇舊文有講過我地幾唔鍾意你地都唔會俾人炒,即可以白攞四年每月三萬大元。辦公室開咗塞個助理係道,自己係辦事處辦公時間去其他區做自己私人嘢,成日上網已經有個柒到俾人睇到晒佢係各大平台搞事嘅柒事,有助理要借錢返工搞到辦事處附近鋪位啲人都知咩事,就算咁肯出飛機文都有一堆like同心。就算新泛民衰咗有其他大page知道乜事追住嚟咬,唔使驚搵黃絲大page朋友幫手就可以搞掂啦~

使鬼做好哩份工咩,識得同黃絲傻粉玩哩隻game咪得囉~佢地大部分智慧一直偏中下㗎啦~啱㗎啦,政棍最驚民智開,學識辨析政客嘴臉,到時佢地就慘㗎啦……

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 209193
Date: 2020-08-16 23:25:33
Generated at: 2020-11-26 03:43:11
Permalink: https://www.vjmedia.com.hk/articles/2020/08/16/209193/新任區議員都做咗大半年,盤點一下政績有咩?