唔知點解我識好多仆街嘅囡囡(一)——呀Kat。廿四歲女。扎住馬尾個樣斯斯文文。

 

 

我盡量唔批評其他人,因為說話係一把回力鏢,今日點樣話人,他日人地就會點樣話返你。而且誰人無過?包容多啲自己心境都會開朗啲。可能我對任何人都冇乜威脋性,於是成日都做左樹窿嘅角色。

「喂我講啲野俾你知呀,唔好judge我呀。」
「ok,洗耳恭聽。」

講得出「唔好judge我」即係你都覺得自己或許都有少少唔啱,咁連你都唔100%認為你自己係做得啱嘅時候又點樣叫人唔judge你呢?點都好啦,我覺得自己係個幾好嘅聆聽者,耐心聆聽、盡量不批評、對方聽得入耳嘅話會俾返啲實用建議。不過當然啦,明知自己唔啱,只想搵人呻嘅人當然唔會聽取忠言,只會意見接受但態度照舊。同呢啲人講野其實真係好晒時間,聽完我得個燥字,你就開開心心走左去,下次要呻又會搵返我。雖然我屌晒鬼咁,但因為我曾經被開解過,我都希望可以幫返人,所以下次佢搵返我嘅我都會繼續聽佢講。

 

佢叫呀Kat。廿四歲女,戴住圓框眼鏡,扎住馬尾個樣斯斯文文。我同佢網上識嘅,現實見過兩次面,唔講得上好熟,同佢亦唔算好傾,我又唔鐘意佢嗰種偷食仲毫無悔意嘅性格。雖然話唔熟,但佢時不時就send自拍俾我,買左新睡衣呀,有新唇膏呀,睇到我完全唔知點覆。屌我唔係gay,又唔係你條仔,又唔覺你靚,send俾我究竟做乜鬼野。一開始我都嘗試讚下佢,但一讚佢就send得仲多,於是我開始無視佢啲自拍,但佢依然會無間斷咁繼續影selfie俾我。

佢一讀完中學就出黎做野,做化妝做過零售業亦做過pole dance助教。到而家佢做緊銀行call center,要返shift,可以同男朋友見面時間並唔多。因為見面少先應該更加應該珍惜相處嘅時間,但呀kat同佢男朋友次次見面都鬧交咁濟。雖然每次都只係呀kat無理取鬧,但之後佢男友都會死死地氣又唉又跪咁送鞋送手袋希望博紅顏一笑。呀kat成日覺得男朋友唔上進,搵嘅錢唔夠佢多。我聽完得啖笑,佢要返shift加埋bonus就18k,而佢男朋友啱啱先fresh grad做緊份朝九晚六嘅16k IT工,。除非呀kat會瘋狂跑數,唔係一年半截佢男友人工就輕鬆爬佢頭。

呀Kat對於男朋友好高要求,又唔會遷就對方,郁啲就話分手,令佢同男朋友成日陷於冷戰狀態。「我覺得我地暫時分開下」佢地咁就暫時分開左半個月。期間男方有嘗試搵呀kat,但典型人馬座嘅呀Kat長期無視對方message,直程當分左手咁。呢半個月呀kat並冇唔開心,從佢嘅Instagram睇,我有預感佢有左第二個。例如影食物會特登影到少少對方,而對方擺明係個唔係男朋友嘅男性。所謂事不關己,己不勞心,我都廢事同佢講啲咩。

 

直到有一日佢whatsapp搵我,send左幾幅對話圖俾我。內容係kat同對方互flirt,又話一齊去pantry摷下,去後樓梯做啲唔見得光嘅事。

「Anna!! 有好消息 我努力成年 終於食到個靚仔喇😋」
「吓?」
「約左佢放工上酒店💦」
「喂你仲有個男朋友架喎」
「是但啦🙂」
「好心你放生你條仔啦 拖住人做咩」
「唉我同佢講過架喇 佢又氹又送野俾我 我分唔落呀😭」
「未分手就搵第二個=偷食」
「兩個人相處冇問題嘅話 我又點會分心 其實我同男友有好多小問題冇可能解決到😭 但又未至於大問題到分手 好多嘢同佢講左佢又唔改🤦做愛前戲唔只撫摸 仲包括平日表現 佢令我唔開心 我都唔想俾佢掂🙅咁啱公司有件小鮮肉我又幾鐘意😬」
「咁咪分手 我唔信佢知自己戴左綠帽都唔肯分手呀 你而家只係不斷幫自己搵藉口咁將偷食正當化」
「咁好hurt佢嘅~我會試下同佢講下 努力下🙈」
「梗係要分 當然 你話哎呀分唔到呀 你心軟呀 又等佢改 同時搵你同事摷住扑住先 我阻唔到嘅 畢竟我又唔係你-.-」
「係呀🙈」

我真係頂佢唔順,衷心祝願佢未來老公會偷食。偷食就係對另一半嘅背叛,即使只有一次半都足以令對方對你嘅信任完全瓦解。咁唔見得光嘅嘢都同人講仲要好似曬命咁,再加一大堆藉口咁毫無悔意,真係鄧佢男朋友慘。但其實咁耐以黎我都係聽過呀kat講,件事嘅全貌我並唔清楚,會唔會其實各有各玩,或者有啲事我唔知?人地嘅事就無謂插手,但得知咁嘅狀況而條女又覺得冇乜問題咁令我心理好唔平衡,需要遠離下呢個bitch。我決定暫時唔覆佢任何WhatsApp以平伏下心情。過左唔夠半個鐘,佢ig share左個post俾我,片入面有隻松鼠跑黎跑去。

「好qq呀!」
「……點解我鬧完你你都可以當冇事搵返我」
「咁可以點 唔通以後就冇fd做咩😂」

屌!睇到呢到我終於頂唔順Block柒個八婆。

 

(圖文不符純粹創作)

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 何解葉雅媛離婚是A1頭條? by 白恩樑
    幾多名人離婚,何解葉雅媛離婚是A1頭條?蘋果或者看到,事件背後隱含的訊息卻未宣之於紙;蘋果大可直言,港人和大陸人一樣,憎惡那些在事業和感情上都不顧別人死活爭到底的貪欲,既要享受文明法治又要保有特權的態度。近日的所謂中港矛盾癥結,其實是這個。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • Pokémon朱/紫!發掘古代,超越未來!訓練員進入開放世界! by 講事飛
    萬眾期待的Pokémon終於面世!今集玩家將化身為「橘子學院Pokémon朱》)/ 葡萄學院(《Pokémon紫》)」的學生,以「尋寶」為主題展開學園生活。主角、部分登場角色的服裝會根據版本而異,這是 [...]…
歡迎讚好我們的facebook page,免費資訊源源送上。

文章資訊

ID: 209316
Date: 2020-08-24 20:58:37
Generated at: 2022-12-11 23:02:40
Permalink: https://www.vjmedia.com.hk/articles/2020/08/24/209316/唔知點解我識好多仆街嘅囡囡(一)-呀kat。廿