社區需要每一個人一點點付出,而非. . .

 

03年我就開始加入一個義工團隊,其中一項長期服務就係獨居長者探訪,其他就係我地當時因應社區需要而去籌辦唔同活動服務社區。就算依家個team散咗,但長者探訪都仍然無停一個月一次,直到疫情爆發先暫停。有啲探訪咗十幾年嘅老人家已經產生咗感情,機構話暫停啫,但有佢地電話嘅義工就如我咁又點會唔私下關心佢地。就算無好似以前咁個個月去探訪,都會留意佢地嘅防疫物品用到七七八八就去送貨俾佢地。疫情下啲人性就出嚟,上次送盒口罩俾佢就想喊出嚟,今次口罩、消毒用品加月餅就話我比佢姪女更有心,另外一戶佢個女係意大利辭工返香港照顧家老,疫情下人情冷暖出晒嚟,感情嘅嘢同血緣無關。

講到愛香港、愛屯門,好多人都只因社運而忽然政治,食下黃店、鳩撐龍門、做區議員嘅契弟就覺得自己好愛香港好大付出咁,香港回歸後一直有好多唔同嘅問題,各社區都有好多問題,有各種人都需要我地去付出。記得以前身邊啲人知我做開義工問我會做咩,我就簡單講下帶小朋友活動、探下老人家之類,佢地根本無心聽,有啲會話有時間都搞下自己屋企嘢(事實佢地放假都係去風花雪月),有啲甚至笑出嚟,覺得做義工就係集交嘅活動(要幾可悲嘅人生先會有咁嘅想法)。2014年又好,上年六月開始都好,班黃絲係咁搵啲打飛機活動嚟付出,咁香港一直需要你地付出嘅時候你地死咗去邊?依家走嚟話關心社會?個個星期都為黃店打咭當付出?行撚開啦!

再講區議員,根本各區都有唔同嘅民生問題,有幾多個真係落力著手搞?之前就有堆玩初選,再唔係就玩封櫈幫政府玩禁自由,依家就有堆推出350元化驗送口罩助長政苦落實全民化驗……個個根本唔係素人,講得自己係本土派就唔會係忽然政治衝出嚟選,咁理應個個都有返咁上下政治sense,政府每步背後政治動機應該比普通黃絲更快睇穿,但佢地每步反而順住黃絲路線而行,唔係做好本土派角色叫醒黃絲。即係你地無話自己係本土派都唔會惹怒咁多人,你地十一兄弟之間嘅私怨無咁多人想加入,重點係只要最後得益嘅係市民,將正確政治意識帶入社區,根本你地有份人幾仆街都無人想理。至少我好接受一個區議員係一個仆街,唔仆街點從政呀?只要路線唔好偏離初衷話之你咩手法,但唔係囉,成班新泛民話「讓本土派成為主流」,行動完全偏離抗爭路線變維穩。搞咁多嘢,安安份份咁先搞好社區先啦,各區問題需要你地呀~

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 209328
Date: 2020-08-25 06:42:32
Generated at: 2020-11-01 03:29:40
Permalink: https://www.vjmedia.com.hk/articles/2020/08/25/209328/社區需要每一個人一點點付出,而非