唔知點解我識好多仆街嘅囡囡(二)——20歲圓咕碌嘅Tiffany

 

 

「Yeah it’s pretty clear
I ain’t no size two
But I can shake it shake it
like I’m supposed to do
Cause I got that boom boom that all the boys chase
And all the right junk in all the right places」

片入面身形拍得上中大Email嘅女仔著住sports bra同牛仔短褲,自信滿滿地配合音樂跳舞。

「我拍左人生第一條dance cover呀,幫我like同comment呀!」
「okok~」

Tiffany係我上瑜伽堂識嘅,雖然BMI超晒標但佢對自己十分有自信,個樣幾似未整容前嘅薜凱琪。佢Instagram上有好多意識比較大膽嘅相,例如著唔戴bra背心飛晒釘、著住就見到底褲嘅「真理褲」對住鏡頭趷起屁股、喺酒店房內影不露三點嘅全裸照等等。簡單黎講,佢全部相都係啲比較性感,或者我個人認為頗意淫嘅相。而呢啲相大多係由佢嘅男性朋友幫佢影嘅,我聽到梗係叫佢小心啲啦,年中都唔知有幾多攝記會食左個私影妹。但Tiffany話佢唔驚,因為佢啲friend係gay嘅。

 

佢唔係放上Patreon叫人課金、唔係想搵人埋單,而係對自己好有自信,好想同人地分享自己身體嘅美。我唔係好認同佢嘅行為啦,我認為咁大尺度嘅相片應該自己好好收藏,但佢就話「與其被流出,咁不如自己post出黎啦」我都真係幾欣賞佢嘅自信。佢原本讀演藝嘅,讀左半年發覺唔啱自己就退左學。退左學嘅佢一得閒就去接啲外國明星機、 排舞台劇、去影相、拍拖……你想約佢食飯嘅話至少要等半個月。今日佢突然話想同我食夜晚令我有啲受寵若驚。一見面佢就鬼妹上身咁大力攬住我,「social distancing呀」我尷尬地輕輕推開佢。「sorry呀~well我地都好耐冇hangout喇 Anna I miss you so much!」我對佢呢種咁刻意嘅中英夾雜已習以為常。「Tiffany,你約得我咁急做咩呀?同男朋友鬧交?」去到餐廳一坐低嗌左野食,我就即刻準備聽佢講返一頭半個鐘。佢次次搵我唔係呻想分手就係分左手求安慰,我都已經慣晒,擺定包紙巾喺枱。

 

我今次真係聽到有種’truth is stranger than fiction’ 嘅感覺。佢同佢前度喺到拖拖拉拉又分又合嗰陣,佢搭上左佢打工間傢俬鋪嘅店長。Tiffany退學之後就喺間連鎖傢俬鋪到做兼職售貨員,份糧唔係好夠洗,但佢就話「至少我唔洗還grant loan先啦」。講返個店長,係個keep得幾好嘅三十八歲已婚男人,同Tiffany相差十五歲。我一聽到呢到,哇又俾綠帽男友戴,仲搞埋人地老公,我真係唔想繼續聽。都係快啲食完飯走人算。Tiffany之後正式同男朋友分左手,心甘情願做人二奶,或者佢比較鐘意嘅叫法「情婦」。Tiffany父母分開左,個店長聲稱就離婚所以同佢老婆暫時分居,所以Tiffany就好自然咁同個男人去酒店(下稱愛巢)住,兩人夜夜喺床上翻雲覆雨好不快活。我唔講做人二奶點點點啦,你情我願,Tiffany又唔要求要咩名份,各人都活得開心。

 

但呢段安穩嘅日子只係維持左兩個月。某日Tiffany約左店長食晚飯,但店長竟然過左約定時間十五分鐘都冇出現,而且完全冇任何通知,唔似店長一貫作風。Tiffany打左幾次電話都飛左去留言信箱,而店主whatsapp最後上線係一個鐘前。

Tiffany覺得事有蹺蹊,返左去愛巢望下,去到門口佢已經聽到女性嘅呻吟聲。佢明白有啲嘢總要面對,於是佢咬咬下唇,輕轉門匙。店長似乎陶醉緊喺下身嘅快感,將身下女子壓喺床上不斷抽插,每下啪啪有力,並冇察覺身後企住滿臉淚水嘅Tiffany。一輪高潮過後二人訓喺床上攤抖,店長終於發現身後嘅佢。

「你走先啦,我遲啲同你講。」店長眼神中有少少震驚,半秒過後又回復平靜,一著完孖煙通就推佢出房門。砰一聲房門關上,佢理解唔到發生緊咩事。房內傳出女人嘅吵鬧同喊聲,令Tiffany心情好煩燥,落左樓下公園食煙。房入面嘅女人如無意外係店長老婆,睇得出係個靚女但唔係好襟老,個樣比實際年齡大五六歲。思緒混亂嘅Tiffany頻頻從朱唇呼出白煙,手中嘅薄荷煙已經不知不覺已經第四支,口乾到就出唔到聲。佢去便利店買左支水,一踏出便利店就見到店長。

就喺Tiffany預備連珠炮彈咁質問店長時,店長已經搶先一步塞住佢把口,尖酸嘅言語被綿密嘅吻代替。當四唇分開,Tiffany已經小鳥依人咁挨住店長。十五分鐘後,佢地又喺酒店床上纏綿。

 

後來店長同Tiffany講,佢同老婆雖然冇小朋友,但佢老婆有情緒病,店長唔忍心講出離婚兩個字。我唔知店長老婆係咪真係有情緒病,但諗下都知之後會點發展。店長會有幾廿萬個藉口同老婆離唔到婚,但Tiffany又唔會離開店長,因為店長就係佢嘅所有。我唔知Tiffany痴左邊條筋,係想搞鳩對方定同情對方,竟然私下同店長老婆聯絡,仲同對方出街shopping。不過女人講一套做一套啦,佢地好好傾又會攬頭攬頸咁,但實際憎到對方不得了。Tiffany想做正室,覺得佢老婆阻頭阻勢仲用情緒病勒索店長(但明明佢自己都曾經有過情緒病)。另一邊廂,店長老婆覺得呢個死𡃁妹過憑空出現撬牆腳罪該萬死。Tiffany就話如果兩公婆本身冇問題嘅話佢又點會咁易勾到人地老公呀。喂小姐,我明白牛唔飲水唔撳得牛頭低,喺香港做人二奶又無觸犯法律,但勾人老公真係唔係咩光彩嘅事。正當兩個女人喺到勾心鬥角,咒罵緊人地祖宗十八代之時店長就喺鋪頭到昅女顧客,諗緊有冇機會食多條女,到時玩4p都得。而家老婆同Tiffany都知道對方嘅存在係最好嘅,因為就算佢去見任何一方,另一方痛恨嘅只有自己隔離嗰個,呢兩個女人總會為佢嘅各種仆街行為辯護。

 

店長呢類人賤唔賤?梗係賤啦,同時玩弄兩個女人嘅肉體同感情。但偏偏呢兩個女人都甘心命抵留喺條仆街身邊,睇下邊個會頂唔順走先,一個願兩個願捱。我突然諗起餅碎Miki,搶人老公後搞到人地前妻抑鬱到病到不似人形。我唔係想講Tiffany會好似Miki咁,而係搶人老公都冇乜好結果。我俾你做二奶做到好似某名模Mandy咁,仔都幫個男人都生左三個,係得到好多生活費,但個朵臭晒,個個提起佢都會覺得「喔,嗰個搶人老公嘅閪女人呀嘛」。我唔信有人可以無視晒所有嘅閒言閒語,於是我苦口婆心咁同Tiffany講唔好再咁落去啦,女人嘅青春係有限,唔好再一頭栽落店長到啦,結左婚嘅人真係唔搞得架。但被愛戀蒙蔽雙眼嘅人講又有咩用?即使理性上知道同呢個人一齊會冇未來,但當見到、聽到、觸踫到對方之時,身體只會交由感情支配,咩道德規範都被拋諸腦後。我唔理,我而家只想同面前嘅佢一齊,想被佔有,想同你走到天涯海角。所謂「當局者迷,旁觀者清」我地都知Tiffany只需要一個轉捩點,令到佢對呢段關係絕望,要終止呢段關係。時機一到佢就會自然離開店長,第時就會回望過去再嘲笑當時尤如鬼上身嘅自己。

 

係咁就最好啦。由Tiffany搭上左店長都已經成年幾,除左嗰次食飯之外,佢周不時都會update我知佢同店長嘅狀況。佢ig多左堆明顯喺合照中crop出黎得佢自己嘅相。相入面嘅佢笑得好開心,容光煥發。佢話或許佢並唔係咁鐘意店長,而係想搵個sp。如果咁就易搞啦,但明眼人一睇就知呢個係Tiffany俾自己嘅藉口,佢分明唔想離開店長。我識佢咁耐,都知佢唔係個可以將性同愛分開嘅人。

「I just wanna fuck with him. Not making love, just sex」呢個係佢一個鐘前嘅錄音。

「我真係唔得…我fuck完之後覺得我地之間仲有好多嘅love…」錄音中嘅Tiffany把聲充滿住無助感。我知道我講完佢都只會忠於自己嘅感覺,但我都係打左一大段字俾佢。我自己有過堆sp,我沉過船,我明白Tiffany嘅感受。我有一段時間沉溺喺做愛嘅快感,用身體認定對方。但試多幾個人,發現其實好容易搵到同自己身體夾嘅人,呢個唔啱咪搵第二個。做愛技巧可以練,但心靈上唔夾同份人仆街真係好難搞,因此建議Tiffany儘早離開對方。但Tiffany嘅回應只有一句「唉,我都知可能冇好結果,但我都想試下同佢一齊行落去,反正I have nothing to lose」。

 

我都唔理自己返緊工,即刻走左去pantry打電話俾Tiffany同佢釐清事實。如果大家真心相愛嘅,佢又講到自己nothing to lose,我係好鼓勵佢去尋覓真愛嘅嘅。但事實擺在眼前,個店長只係個player,仲係貪心嗰隻,冇拎個心出黎好好對待人,包括Tiffany,包括佢老婆,店長只想享齊人之福。「同佢一齊行落去」只係Tiffany嘅一廂情願,店長嘅未來根本冇預佢。我叫Tiffany試下離開佢啦,好似戒煙咁慢慢戒。「It’s much harder than quitting smoking. 我食煙係因為做野可以放煙break,咩尼古丁對我其實唔係好大作用,諗下目前銀行户口嘅錢其實我可以一支煙都唔食。But loving him is just not the same. 我知道唔應該同佢一齊,所以我搬左返自己屋企。但我控制唔到自己。就算我見唔到佢,我個腦時時刻刻都諗住佢,有時會聽到佢把聲。我已經離唔開佢。我最近開左個page,寫左好多有關佢嘅poem。我以為寫出黎愈好啲,但愈寫就諗得佢愈多,最後又忍唔住去左搵佢……」Tiffany忍唔住喊左出黎,我都唔忍心講啲咩。

「世界好亂,太多野我地掌握唔到,但至少做好左自己可以做嘅嘢先啦。例如換走你手機wallpaper?唔好再用你同佢嘅合照喇。」

「好啦好啦,我而家就換啦。」

 

※後記:同樣係仆街,但我寫Tiffany嘅篇幅遠遠比呀kat多。睇返數字,上一篇二千字樓下,呢篇接近四千字。唔係因為邊個仆街啲,而係Tiffany呢單橫跨成年有多,每隔一兩個星期就同我講一講。「我好掛住店長、我真係離唔開佢、我決定同佢斬欖、唉我去左同佢sex、唉我好垃圾……」咁樣無限loop,你就咁睇都覺得煩啦。以上成四千字嘅文都係個好濃縮嘅summary,詳細寫我諗十萬字都唔夠。我一路寫呢篇文,一邊諗起Tiffany對我精神上嘅折磨。好想屌醒佢但又要就住儘量唔好令佢有hard feelings#facepalm#
呢篇文獻俾所有喺愛情中執迷不悟嘅Bois and gals,希望你地都快啲醒覺,遠離仆街閪/賤男啦。

 

(圖文不符圖文不符圖文不符 很重要所以要打三次)

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 209336
Date: 2020-08-25 17:53:07
Generated at: 2020-09-23 01:23:39
Permalink: https://www.vjmedia.com.hk/articles/2020/08/25/209336/唔知點解我識好多仆街嘅囡囡(二)-20歲圓咕碌