一齊去過旅行,就知道可唔可以繼續做知己

 

 

最近感受到一啲經歷令我想起一個臭西,我地無見多年,每次諗起佢都覺得係惡夢嚟。

係大約八、九年前一個移民到美國嘅小學同學add我地FACEBOOK仲話會返嚟,佢就帶埋兩個一樣係由細移民到美國嘅港女返嚟,一個係幾man幾型又就得人嘅中性女人,好都幾鍾意佢,另一個就係相入面經過我問人後證實佢同中大email真人類似身形,大約150cm高,又係有對大波,一堆事情令我見到佢漏奶我都想嘔。

即係唔關身形事,各有喜好,我個人覺得中大email係靚,佢私下都答我一啲私訊問題而且好friendly,多時一個人嘅觀感都係從自己同對方互動而有所影響。

總之哩個美國嚟嘅肥西佢令我由內憎到佢外,佢真係可以出賤西的人格修養。

 

一開始我都好好客咁照顧佢地,咁你俾到日子我而我又得閒咪幫你地plan行程,你係香港無人陪嘅時候悶到要WhatsApp我咪陪你傾計,我一向對朋友真心而對啲比我細嘅都好照顧,就算佢細得我三年。當初佢係咁同我示好,話好想同我friend因為佢無乜女性朋友,我嗰時以為佢矮得嚟個樣cute而且又大波所以啲女人之爭令佢被排外,經歷過佢密集式嚟香港同佢相處過之後,我就知咩料…………

之前有埋嗰兩個朋友一齊佢都好地地,之後佢開始一個人嚟,因為佢親友有房俾佢,再之後都有朋友有房俾佢,解決到住嘅問題除咗買機票外佢嚟香港係可以唔使點花錢,搞到佢嗰排隔幾個月嚟一次,每次嚟都一個月以上。我人生第一次接機就俾咗佢,仲要搵朋友開車,每次一見面佢都以美國式擁抱衝過嚟,其實我個心好易溶化所以都真係當佢係妹咁。之後有啲行程我搵埋朋友一齊俾佢識多啲friends,有時唔係我請佢食嘢就係我朋友俾錢,佢就覺得大家都當佢小妹妹咁鍾意佢,而且佢嚟自美國有美國口音就覺得人地會崇美,佢就經常WhatsApp我「我想去邊」、「我想食咩」,而我地只係純粹盡下地主之誼,但佢就攞盡便宜,當正自己係小學生小妹妹咁乜都要我照顧真係搞唔掂,就算係自己親生阿妹都唔會好似佢咁㗎嘛。

記得有次佢突然想係星期六要我陪佢,咁好啦出下去啦,佢見我個樣好攰然後佢幫我計算之前一日放工後到第二下午先出嚟應該休息夠㗎,無可能會攰㗎。痴鳩線!我嘅生活好似要為佢而運轉咁,我一放工就返去瞓嘅,本身我無自己生活嘅,放工唔可以有其他嘢做嘅,扔你奶吖!

 

真正令我唔想再同佢接觸係一個墾丁及高雄之旅,嗱!啲住宿同機票係佢出發到香港之前搞好㗎,如果我知道佢係公主癌我一定唔會攞嚟賤,人生苦短去個旅行都做妹仔咁好慘㗎。咁係墾丁我有朋友開民宿,所以好多嘢我都可以一早打點好,一出高雄機場就有車嚟接我地去墾丁,話晒之前一日要返工然後第二日早機,哩兩小時車程我緊係瞓啦,佢老味偷影我睡相仲要擺上網然後覺得好好笑。乜可以咁樣對一個乜都幫你安排嘅人㗎咩?去到民宿朋友幫我將行理搬上房,無奶力嘅我就將hand carry攞上去,然後我係房將啲用品擺好八陣圖(方便搵同用吖嘛),之後民宿朋友見我係露台set繩問我搞乜,我話住咁多日要洗衫所以set好就方便之後曬衫,佢就衝嚟幫我啦。哩段時間條肥西失咗蹤,因為佢要周圍自拍打咭擺上網。

Anytime佢都要自拍,張張都人樣遮住大半個風景,去到邊一搵到wifi就馬上post。咁其實你可以唔使去旅行啦,買部投影機係屋企咩景都有,你純粹要自拍打咭之嘛。佢肥係有原因㗎,無行程嘅時候佢就選擇瞓係床碌電話甚至去瞓,我自己去旅行都會,但會睇返啲情況囉。有一班墾丁朋友好好咁盡地主之誼搞個燒雞大餐,真係露天搵竹串住隻雞嚟燒,又有啲係廚房為我地準備其他食物,我當然係去影下相同睇下有無嘢幫手啦~條肥西瞓撚咗囉,食物差唔多嘅時候我去叫佢,佢夠膽死賴床又話唔食住要我地食先。仆你個街知唔知咩叫禮貌呀?人地辛苦為我地準備你夠膽唔俾面玩賴床?Wtf!係墾丁我最開心就係見我啲朋友,一對住佢我就想死。

 

係墾丁有朋友照顧住我地,我要處理嘅嘢好少,但對住條肥西都已經想死,之後嘅三日兩夜嘅高雄簡直地獄,攰到我去過邊都唔多記得晒。咁我明知自己梳洗係好耐嘅人,去旅行同人夾房我一定要比較早起遲瞓,每日我搞到一半就叫條死肥西起身,但佢次次都反而要我等半個鐘囉,所以嗰次旅行我有好多係房自拍㗎,等佢老味吖嘛~係高雄我終於忍唔住叫佢快啲,我一早搞好晒可以出門,佢竟然發脾氣話:「我都無你咁耐啦!」,屌你老味咁我早起過你做乜鳩呀?

之後又要做佢導遊,又要帶佢shopping,兩個雙手都幾袋手信下去到Starbucks休息,我輕輕講想佢去下幫手買咖啡,但佢賴死坐係道研究wifi要打咭囉,我無幫佢買唔鳩再理佢。然後坐的士,佢啲嘢坐三份一個位,佢個人坐三份一,我企係門口揸住幾大袋嘢問:「咁我呢?」你先移多少少俾我,佢啲嘢繼續係張櫈到㗎,我啲嘢就放地同佢迫住貼住大脾咁坐囉~我已經發老脾話:「你真係當我妹仔㗎喎!」佢竟然摸我頭講:「乖」然後佢好開心囉~

 

同佢一齊嘅時候,我個樣好殘皮膚好差,完全被佢折磨。

佢成日話自己係處女座,然後就覺得自己表明咗係處女座人地就要接受佢處女座嘅缺點,唔會話去就下人㗎。我同佢都鍾意食辣,但有啲店舖係無辣我就會算數反正唔食唔會死,佢唔係㗎,枱面無辣油之類佢就死都要問店員有無囉~帶佢食嘢禮貌問句啲嘢好唔好食,佢多時都答:「ok啦~」佢真係公主癌覺得人地照顧佢係理所當然㗎。佢係美國時經常話嚟到香港就請我食飯又話幫我慶祝生日,完全係無呀!AA制已經係好好㗎啦!

佢對我好嘅時候,就係有仔或一班人嘅時候囉,有仔嘅時候佢對我會特別好㗎~仲要有意無意咁俾人地知我老過佢三年啦,經常暗踩明抬高自己,仲覺得條條仔都應該鍾意佢,而佢係會想揀個有啲錢嘅去照顧佢囉,哩啲西格我再數就完唔到㗎啦~

 

近期我就遇到個妹對我做咗一啲腹黑嘅嘢,明明細我一截而style又唔同,個市場都唔會同,佢都要講我年紀出去,係一個充滿標籤嘅社會下年齡好難唔成為秘密,真係相信對方唔會攞嚟斷定自己先會去講。大家都唔同市場,點解要言語上暗踩我大佢一截明抬高自己好青春呢?我實在無法理解我咁用心對佢,真係當佢妹咁,但換嚟嘅係腹黑。

仲有其他嘢係令我咁啱勾起條肥西嘅回憶。同女人相處係好深嘅學問,由細到大我都慣咗同男性相處,可以好率真咁做自己唔使怕對方嘅計算。其實我由細就好怕女人哩類生物,甚至女性荷爾蒙對我嘅影響,自己都覺得自己好煩,至少我唔會俾自己做自己憎嘅女性囉。

 

 

作者:紫玥

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 209343
Date: 2020-08-26 22:39:33
Generated at: 2021-12-09 19:16:41
Permalink: https://www.vjmedia.com.hk/articles/2020/08/26/209343/一齊去過旅行,就知道可唔可以繼續做知己