【真大公評論】拜讀重要國策《关于加强新时代民营经济统战工作的意见》

政治 / 最新文章綜覽

 

 

《人民日報》在昨日(2020年9月16日)朝早出咗重要國策,第一段就咁寫︰

「新华社北京9月15日电 近日,中共中央办公厅印发了《关于加强新时代民营经济统战工作的意见》,并发出通知,要求各地区各部门结合实际认真贯彻落实。」係好認真同影響世界嘅大事!

原文連結在此

 

間書同寫啲NOTES,係應試教育嘅基本技能,讀國策都可以應用嘅。

首先,要搵番咩嘢叫「統戰」。維基百科就咁寫︰

「統一戰線,簡稱統戰,是一種由共產主義者(或其他)採用的政治鬥爭方式,指聯合及團結不同政治團體及社會各界的力量,為同一政治目的而共同奮鬥,其基礎理論由第三国际確立。通過統一戰線,共產黨人得以聯合不同的工農階級,推翻敵對的資本主義勢力。」

大陸嘅詞語都要問番百度嘅︰

「统一战线就其广义而言,是指不同社会政治力量在一定条件下,为了一定的共同目标而建立的政治联盟或联合;就其狭义而言,是指无产阶级及其政党的战略策略,主要是无产阶级自身团结和同盟军问题。在中国革命、建设和改革的各个历史时期,统一战线都是中国共产党的一大重要法宝。」

「統戰」呢樣嘢博大精深,係「重要法寶」,網上有好多學習資源嘅。

黨八股是個好東西,結構嚴謹,KEYWORD齊全。

 

「重要意義」呢︰

「有利于不断增强党对民营经济的领导力,把广大民营经济人士更加紧密地团结在党的周围」黨的領導呢,係應該無處不如、無遠弗介嘅,就算幾強都好,都係要不斷增強嘅。起碼,領導係唔滿足於現在的「強」嘅。

 

「總體要求」呢︰

「切实加强民营经济统战工作,教育引导民营经济人士」,注意到,此文必稱「民营经济人士」即係呢啲嘢係對人,唔係對機構、唔係對事情、唔係對程序。教育喎,即係靈魂深處鬧革命。

 

基本原則又來一次「进一步增强党对民营经济人士的领导力」

「一手抓鼓励支持,一手抓教育引导,不断增进民营经济人士在党的领导下走中国特色社会主义道路的政治共识。」即係呢,同意配合嘅就鼓勵支持,唔同意唔配合嘅就教育引導,咁就一定有共識啦。

 

具體囉喎,「加强民营经济人士思想政治建设」,即係點呀?

「在政治立场、政治方向、政治原则、政治道路上同党中央保持高度一致,始终做政治上的明白人。」香港商界應該學識咗,特別過去一年呢……其實都好傳統,電視劇講晒︰「你唔駛對號入座!總之邊個做過,你自己心知肚明。(嗱你無證無據,唔好…)我話係就係!唔使證據,呢度唔係法庭,唔需要證據,我對眼就係證據!哼!我睇人睇咗幾廿年,邊個係人邊個係鬼我睇得出,你立過咩心腸,做過咩事,你最清楚。」大家有眼見,唔明白嘅人,一係去英澳加長治久安,一係搣咗柴久不久發下牢騷咋。

呢個任務嘅高度係「各级党委统战部门要落实民营经济领域意识形态工作责任制,做到守土有责、守土负责、守土尽责。」

 

做到政治上明白夠唔夠呢?「引导民营经济人士不断增进对中国共产党和中国特色社会主义的政治认同、思想认同、情感认同。」

香港人要有新嘅認知,以前就有錢大晒,嫖賭飲吹、酒色財氣,唔犯法就咩都得。新時代唔同架喇,黨話咗要︰「引导民营经济人士增强自律意识,筑牢思想道德防线,严格规范自身言行,培养健康生活情趣,塑造良好公众形象。」你有錢咩?都唔可以呢樣嗰樣架喇,起碼唔可以周圍揚開晒啦,要形象呀,黨給了你錢,也給了你人設。同時,只要站對隊伍,其實做咩都無事嘅,好多被開除出黨嘅前黨員都上晒報清廉清純架。

又有錢、又有健康生活,黨係會CONNECT架︰「完善联谊交友、谈心交流制度,广交深交挚友诤友,打造一支关键时刻靠得住、用得上的民营经济人士骨干队伍。」搞咁多嘢,梗係有目的架啦,真係得閒飲茶吹水然後無事發生咩?

黨又重覆咁民營經濟人士點樣做人︰「以产业报国、实业强国为己任,脚踏实地干事,谦虚低调做人。」「克服享乐主义和奢靡之风」都好直白架。

江主席嘅「三個代表」仍然喺黨章入面,咁民營經濟人士咁多人,所以係要代表嘅。第四標題就講呢樣︰「建设高素质民营经济代表人士队伍」。

有範圍︰「统战工作要面向所有民营企业和民营经济人士,……,在内地投资的港澳工商界人士」香港好嘢呀,融入祖國,機會嚟啦,黨開到口有得加入隊伍了!台灣無份!

揀咩人︰「培养壮大坚定不移跟党走、一心一意谋发展的民营经济人士队伍」,其實講咗幾多次黨的領導?

揀出嚟做咩?黨然吸收做黨員喇︰「坚持政治标准,积极稳妥做好在民营经济代表人士优秀分子中发展党员工作」政治組織嘅唯一目標其實有係壯大自己個組織,入黨呢,就有黨的紀律,嚴過刑法好多架。睇伊麵嘅粵語殘片就知家法一向勁過王法。

跟住一大堆就係有咩著數畀番呢啲民營經濟人士,政治係有好多著數架,蝕本生意無人做架。

睇完長篇大論,最重要其實係兩個字︰「統戰」。LOOP番去開頭睇多次喇!

 

作者:真大公

根據「白馬非馬」的邏輯,這是真大公,與大公無關。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 210040
Date: 2020-09-17 17:02:46
Generated at: 2020-11-01 03:56:58
Permalink: https://www.vjmedia.com.hk/articles/2020/09/17/210040/【真大公評論】拜讀重要國策《关于加强新时代民