TikTok 其實好重要

 

TikTok 賣唔賣到依場鬧劇我唔講咁多,淨係Google TikTok 都一大堆相關新聞。但如果TikTok最後真係要摺埋,我會覺得係對依個世界嘅一種損失:少咗一個分辨智障嘅平台。

每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skull Breaker Challenge、The Salt Challenge、甚至奶飛機廁所板。就算唔玩命,中國一堆所謂網紅拍埋哂啲無厘頭短片,搵個整容女扮咩網管啊、有錢仔扮窮撚比人恰再霸氣轉身用錢扔死人啊、羅嘉良塞掌頭落口之類,我到而家都諗唔明點解會有觀眾,係咪我太低估世界上智障嘅數量呢?

網上面嘅資源太多,訊息量巨大,我地冇可能確保一個媒體,一個網站入面內容百份百「睇得過」,但我地可以選擇到底係搵一個地方要自行過濾一兩件垃圾吖,定喺係垃圾場入面搵一兩件唔係垃圾嘅嚟睇。要知一個人係點,基本上佢Share啲咩都會答到你:支持警察嚴正執法嗰堆一定係日日Like港人港地民建聯出嘅Post;自以為好撚鍾意香港嘅人會成日推邊間黃店要食、藍店唔可以幫襯、又有義士比人拉咗就話好嬲好嬲,然後加句黑警等天收。如果有一個人會Share TikTok片,甚至會去挑戰TikTok嘅Challenge,一係佢就係智障,一係佢可以靠TikTok入面班智障賺到豬籠入水。如果你發現你身邊好多人都會接觸TikTok甚至係TikTok活躍用戶,你真係要諗下點解會識到依班人,人以群分依四個字唔係冇道理。

就算TikTok而家消失,但班為跟風就可以做盡一切低能弱智之事嘅人仍然存在,視佢地為偶像嘅Fans們亦一樣。冇咗TikTok依個智障回收平台,班智障再次散落互聯網各地。或者到時大家就會發現,有TikTok依個比智障聚集嘅平台,對所有人嚟講都係一件好事。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 210083
Date: 2020-09-18 12:34:31
Generated at: 2020-10-21 10:58:36
Permalink: https://www.vjmedia.com.hk/articles/2020/09/18/210083/tiktok-其實好重要