遇到一班好同事就好似中六合彩咁難

 

 

腦細都係一如既往,諗到乜就叫你做乜,即叫即蒸,無時間畀你plan,往往都係好倉卒,只可以勉強交啲行貨出嚟,最慘係今日的我打倒昨日的我,幾個鐘內變一次,講過又唔認數,成日要我哋成班同事登上月球,但淨係畀架單車你,大佬呀點飛上去呀?除咗減人工,佢仲諗咗好多方法整走我哋,令到大家最近都好大壓力。

慶幸嘅係,呢度有班好好嘅同事,首先係有一個打十個嘅經理Alfred,基本上佢乜都要理,見客、做決策、請人、處理投訴、換水,係爭在未洗埋廁所,最重要係同事有難題佢會一齊拆,唔係由得你死,佢永遠都會幫住啲細,有咩鑊都係佢揹,而且佢會將同事嘅說話包裝好晒先同腦細講,救返唔少人嘅命仔,呢啲大佬真係可遇不可求。

年紀大嘅人工作經驗豐富,但唔係個個都肯袋錢入你袋,以往都遇過啲勁卸膊嘅老屎忽,乜都話唔知唔識,然後將所有嘢隊晒畀你,但係同事阿Roy就唔同,除咗工作上畀咗好多意見我之外,仲教咗我好多人生道理,成日叫我諗下自己究竟想做啲咩,唔好渾渾噩噩好似佢後生咁浪費晒啲時間,每次同佢傾完都會抒發咗啲壓力,覺得可以繼續撐落去。

邊個話90後就遲到早退唔做嘢、無責任心?公司有幾個好後生嘅同事都好勤力,好努力咁完成佢哋嘅工作,而且佢哋會比較容易跳出框框,有好多創意同活力,令到公司有生氣啲,無咁死沉沉,Sophie就係其中一個,佢係一個好識關心人嘅女仔,無論係工作上或者感情上我哋都會一齊傾,放假都會約出去玩。

以前遇過好多「極品」同事,令我覺得同事就係同事,係無可能變成朋友,老老實實喺呢個時代,有幾多人仲會交心?唔跣你一鑊已經算偷笑啦,但係呢度真係一個例外,可能你會話,工作就係工作,一係搵錢,一係拎經驗,同事關係有幾重要啫?但係一日24小時,你有幾多個鐘係對住同事?見同事分分鐘仲多過見屋企人。其實大家而家都唔知仲可以頂到幾時,如果唔係疫情,應該已經一早走晒,所以遇到好同事,一定要好好珍惜,你永遠唔會知道,幾時有人會離開。

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 210381
Date: 2020-10-05 21:03:11
Generated at: 2022-08-11 14:15:34
Permalink: https://www.vjmedia.com.hk/articles/2020/10/05/210381/遇到一班好同事就好似中六合彩咁難