只想找一個一心一意跟你拍拖的人

情愛點滴 / 最新文章綜覽

 

朋友早幾個月前約我食飯,呢位友人好日唔見,每次搵我都係關於感情問題。無他既,佢家境富裕甚少金錢煩惱。

我問佢:今次又咩事呀?

佢答我:我覺得男朋友唔夠愛我呀,過左熱戀期之後,佢對我開始冷淡,成日睇住佢online都唔係第一時間覆我,週末都唔會主動約大家。

咁除左呢樣野之外,仲會唔會有其他異樣?

咁又無喎,但佢一直有一個同佢好Close既女仔囉,其實我都好介意佢既存在。

咁個女仔係咪一路以黎已經存在?定識左你之後再識佢?

佢地識左十年架啦,我成日覺得佢地好檢點得黎又好唔檢點。

香港地拍拖真係辛苦,返工五日已經辛苦,咁岩遇著個疑心重少少既另一半,生活就得番返工放工拍拖返屋企放假拍拖返工。

有幾多人真係做到清心寡慾,願意為左另一半放棄社交圈子呢?最弊既係,通常要求得呢一半要點點點,自己都係雙重標準。

你上星期唔係先同你個Ex食完飯咩?我問。

係呀,佢準備移民喇,同佢食餐飯都無咩問題掛?

你男朋友無唔比你去咩?

咁少事我無同佢講呀,食餐飯姐,清者自清咪得。

咁你又唔信佢?

…? 她欲言又止

Um…你唔明唔明白呀?我要個一心一意對我既人呀!我份人唔鍾意活係惶恐底下。

咁你個Ex一齊移民啦,反正你地都唔鍾意活係恐懼之中。

唉!你都打橫講

最後飯局都無再討論落去,大家乖乖地吃完飯埋單走人。

早兩日佢又打黎,嗚啊佢同左個女仔一齊喇,早知我唔同佢講分手啦,都同你講佢地有路架啦!

但你點解同佢點解會分手既?

我比佢發現左我同個Ex仲有聯絡。

佢咁都接受唔到,好明顯唔夠一心一意愛你啦!

咁又係!

難怪兄弟聚會,大家不約而同話唔想再拍拖,雖然拍拖帶黎既甜蜜感,係朋友比唔上,但拍拖真係太太太麻煩,好多身邊人都係咁而結婚。

一世人好短,唔知你鍾意同你好夾既人,定係可以同你互補不足既另一半呢?可能大部分人呢一世都唔會有答案。

 

作者:文日

無咩好講

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 210475
Date: 2020-10-11 10:32:46
Generated at: 2020-10-21 13:31:19
Permalink: https://www.vjmedia.com.hk/articles/2020/10/11/210475/只想找一個一心一意跟你拍拖的人