我諗好多人都成日會有負面情緒，我哋要做嘅唔係壓抑佢，而係要學識點樣同佢相處，點樣喺適當嘅時候釋放佢，負面情緒就好似一隻住喺心入面嘅怪獸咁，愈困住佢，佢就會愈癲，甚至令你傷害自己，所以你得閒要帶佢出嚟散吓心，畀啲好嘢佢食，佢就會乖乖哋變返隻狗仔，每個人對付佢嘅方法都唔同，我就分享吓我嘅做法。