【唔開名】「手足」應小心求職陷阱，懷疑有黃色工作平台管理層「睇中」手足唔敢報警非禮少女

喺處理呢單爆料嘅時候，我傾向比較保守同小心，同爆料人商議之後，最後決定所有人物公司都唔開名，但會仿效勞工處同警察，呼籲市民小心求職陷阱，尤其是「手足」界。

「手足」界朋友有個特性，就係出事無可能報警。試想一下，如果有聲稱只聘請暴徒嘅公司，你向警察話自己喺入面返工，咁係咪即係向警方自首？？？

可恨嘅係，近日有幾位手足少女向我朋友求助，嗰啲手足少女聲稱被黃公司管理層非禮。該黃公司管理層會約少女於深夜到僻靜嘅地方「吹水」，然後有少女手足求職心切，不虞有詐應約，就被人摸手掃背，又問及私人生活，令人不勝其煩。

（爆料截圖有我個樣，佢真係cap 俾我睇）

（黃公司管理層向不應約的少女諸多解釋）

（於群組約組員深夜到僻靜地方「吹水」）

基於保護當事人，我選擇不核實任何求助人身份，只有連我自己都唔知，先至唔洗守秘密，因為我真係唔知。至於邊個係被求助嘅朋友，我只需要守呢個秘密就得。

又基於咁多野唔講得，所以就無可能寫成一個有人物有時間嘅公審控訴，只可以in general 咁呼籲，所有「手足」都請衡量自身特性，你出咩事都係報唔到警，只可以出事前小心；而利用手足報唔到警所以為所欲為嘅人，除左粗口之外真係唔知有咩好講。

作者：容樂其

我覺得總編輯都有得出文係常識囉！

閱讀後覺得好，請多多讚好及分享～：）