我課金俾傳媒,就可以改變傳媒報導既立場

幾日前,係連登上面有呢個咁既post

 

有一位課金金主因為唔滿意佢所屬既網媒出既一篇文章而要求撤回,否則撤回課金。再深入少少理解就係,一位撐侵既香港人,曾經課金左係一個聲稱好黃既網媒,而因為呢個聲稱好黃既網媒除左不斷刊登「委任派」既議員,亦都因為不斷刊登支持拜登及批評侵侵既文章而成為呢位金主既導火線。我地嘗試下不論立場既情況下,我地嘗試探討下,「我課金俾傳媒,可唔可以改變佢既立場?」

對於內容創作者黎講,課金制度雖然比廣告商合作既收入低,但係憑住定期定額既收入,比起youtube廣告分成黎得要高而且穩定,成為近年內容創作者主要既收入來源之一。由patreon係香港迅速發展,由賣相、賣片、到食評、時評等如雨後春筍咁出現,可見香港人係尋找自己鍾意既野係比較大方既。

一般黎講,係你鍾意既頻道或者你支持個位內容創作者又或者覺得同創作者係啱channel既話,你自自然然會追求創作者提供有價值的內容,而課金者透過每月既課金去獲取有價值既資訊,對於課金者同創作者自然係一個雙嬴既局面,一者就係課金者可以透過俾錢去獲得自己有興趣既資訊,與此同時創作考可以透過支持者既課金去繼續提供有價值既資料,而有啲創作者透過收取更高既費用讓支持者進入討論/專屬群組去參與內容創作,增強社群既互動,令到創作者與支持者更加有凝聚力同親切感。

但係係課金者同傳媒呢個關係就變得有啲奇怪。傳媒本身已經高高掛起新聞自主、編輯自主,所以傳媒既立場本身已經有概定立場。呢個就係傳媒與內容創作者既最大分別。咁應該係要用乜野準則去決定自己支唔支持個個傳媒呢?其實依家傳媒開左咁多個,你大可以睇返你自己偏好報導內容既傳媒,因為傳媒就係事件傳傳既媒介,如果你因為佢特定既行為而支持佢,唔係因為對佢本身本業後導既內容而支持佢,呢種只係一種情緒上既勒索,同時間亦都係對呢個傳媒既縱容。你唔鍾意佢既內容就唔課金就最好。

香港人因個年頭已經好攰,仲要自己貼錢買難受,呢樣野係好唔值得推崇。所以係選擇課金之前,最好理性選擇,課之前諗一諗。何況現時咁多網媒既出現,你咪揀返個同自己啱channel既頻道。何必令到自己咁辛苦呢?

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 211181
Date: 2020-11-02 22:06:53
Generated at: 2021-06-20 21:36:09
Permalink: https://www.vjmedia.com.hk/articles/2020/11/02/211181/我課金俾傳媒,就可以改變傳媒報導既立場