乜嘢叫「靠做雞上位」?用女人最寶貴嘅嘢換錢,公平架!

(番號:STARS-212)

 

好多年前,有個女同事全公司都知佢係雞,有樣又識姣嘅佢得到好多優待,但我同佢因為好多事而互相睇對方唔順眼,就係因為咁我成為佢攻擊嘅對象,佢亦利用自己優勢去利用一啲男上司去令我過得唔好,其中一樣就係佢阿頭面前不斷講我壞話,而佢男上司係經常同經理打波嘅擦鞋狗,詳細就唔講嗰幾年我真係過得好慘,人工又加得好少,追唔上通脹就等於減人工,就咁過咗大壓力又減人工嘅一段長日子。

係嗰時我情緒一直唔穩定(有追睇開嘅都知我抑鬱過幾年),幸好有一個好好嘅男閨蜜接近日日都同我傾計。有一次我又呻因為嗰個女同事而得到唔公平對待,點解佢雞格可以唔使點付出就得到咁多?然後好友就同我講:「其實世界好公平㗎喎,你諗下女人最寶貴係咩?嗰啲咁珍貴嘅嘢都付出咁都換唔到佢想要嘅嘢就真係對佢好唔公平啦。」睇完佢哩一番話條氣順晒,的確嗰啲姣嗲我真係對唔到唔係自己鍾意嘅人做,仲要係嗰啲狗公,包括嗰啲上晒年紀有啤酒肚同口氣,一開口講嘢爛撻撻又無智慧嗰啲狗公喎,除咗做雞點可以對佢地獻媚…………然後咪繼續默默咁忍同捱囉,咁總有人明事理又心水清㗎嘛,做返我自己自然有人錫㗎啦~依家咪有唔少人對我好好。

曾經有人話我放啲旅行相、食好西嘅相係炫耀、係傷害佢,我就真係O晒咀。我啱啱出嚟做嘢嗰陣人工低到喊,又要計算長途車費又要計算日常生活費仲要還錢俾朋友,就係咁月中開始就要一日一餐,減肥真係話咁易,仲可夾硬揸到少少錢出嚟放假可以同朋友唱k。更窮嘅生活我都捱過亦唔需要多講,曾經我捱過嘅生活,唔通我又要經常提住咩~拉開少少咁講,有個師兄知道我地人工後,佢就話「當你五千一個月係唔夠使,當你一萬一個月都係唔夠使」,即係話你生活去到唔同層次就有唔同嘅使費同困境。你望到我好好嘅時候,我又有其他嘅計算唔會公開㗎。係你嘅層次覺得我炫耀,同我同層次嘅覺得係分享,高我一層嘅可能覺得我啲碎料唔值得放出嚟俾人睇呢~係各層次都有唔同嘅捱同付出㗎啦,當你唔抵得人嘅時候,你又知唔知人地付出幾多先?

世界所有嘢都係等價交換㗎,所有嘢都係好公平咁運行。就算係話建制派,佢地讀咁多書仲要付出人格出賣香港去奶喎,咪換到佢地要嘅生活囉~泛民都一樣好仆街咁仆出㗎,唔威脅到中共另類咁奶咪換到咁多年嘅十萬一個月囉~但黃絲呢?話要民主、要自由咁佢地付出啲咩?圍住個黃色經濟圈吃喝玩樂風花雪月咁打咭叫付出呀?面對咁多死傷被捕都唔肯放棄安穩癱瘓香港去博一次嘅代價,咁可以換到啲乜呀?南韓同台灣佢地有今日,以前佢地付出嘅代價幾大好多電影都有得睇啦~一味犧牲啲細路嚟換呀?咪咁撚自私亦都無可能換到,你睇六四換到啲乜嘢返嚟。不如放棄換返班細路可以過返細路應該有嘅生活啦,挑!

 

 

作者:紫玥

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 211471
Date: 2020-11-17 14:29:10
Generated at: 2021-06-14 11:16:25
Permalink: https://www.vjmedia.com.hk/articles/2020/11/17/211471/乜嘢叫「靠做雞上位」?用女人最寶貴嘅嘢換錢,