去中國跑field:You are the chosen one

 

呢一句某逼科的朋友一定唔會陌生。事關其他逼科都係仲討論緊好唔好派人上去中國跑field,但作為我地嘅公司已經跑前其他firm 幾步,宜家已經派緊人係中國跑field。

返我們偉大的中國有兩個方法:

先叫staff 返深圳隔離14 日,之後,個staff 要自己一個人幫其他job 跑field,由深圳,廣州,青島,上海,杭州,咁一直跑落去,一至兩個星期就換一個地方。 有同事10 月booking,直接玩到明年3 月。其中公司好caring俾同事係年假時返香港,真係皇恩浩蕩。
搞個四不像的secondment programme,叫staff 由12 月返到明年3 月,長stay 大陸,幫內地分公司做audit。有啲staff會減人工到內地auditor薪資水平,簡單係減薪30 %。

如果同事反抗唔想返,只會反問一句:「你宜家係咪好有錢?」潛台詞姐係,你要條命定人工,to go or resign。

難道叫你㨂條命定人工,呢啲叫有選擇嗎?要你㨂777 定689做特首,呢啲叫選擇咩?

明知全世界肺炎係冬天會爆發,在罔顧同事的生命情況下,在假諮詢的前提下,派同事遊走中國大陸。 Auditor確實比狗都不如。

同事明白上內地跑field係無可避免,但公司絕對不應該要同事幫其他唔關自己事的job 跑field,亦更加不應該搞一個四不象的secondment 逼同事resign。

公司背後的動機,明顯非常。
公司一直都有人手過盛的問題,事關早幾年請得太多mid join。宜家個經濟咁差,係少ipo 嘅情況下,確實是有人無job 做。再加上,自己為政府某項目的代理人,當然不能大規模裁員,一定俾人笑保唔到自己就業。

(但問題係公司自己resource management 有問題,點解要同事搵命去博?而且,如果明刀明槍要同事resign ,講靚啲姐係CO,雖然宜家經濟好差,但都比要同事㨂命同人工嘅做法來得好。)

公司派同事去中國跑field 有無assess 過risk? 假如中國某個省突然封城,同事滯留,又如何是好? 又或是同事跑field 時突然染左肺炎,係唔可以入香港境,只可以係內地醫,公司又能否確保同事得到恰當的治療。根據剛過去的冬天,肺炎患者一床難求,公司又憑什麼能ensure 同事安全。在沒法確保同事安全的情況下,簡單來說只是送同事去死。

原來公司一直教同事做engagement 要做client acceptable, 再做risk assessment,但到派同事跑field,就完完全全無做risk assessment,所以procedure 的嘢,聽下就好。

除左強逼同事送中,公司更推香港入險境。由於同事在中國跑完field 後,回港後不用進行隔離,有隱藏病人的風險,假如只有一個同事受感染,亦難保不會爆出逼科肺炎群組出嚟,難度又是公司樂見嘅情況嗎?

強烈建議公司可以整番個有公司logo的骨灰盅,等同事跑field 中肺炎死左,都可以用番公司骨灰盅,「生為公司人,死為公司鬼。」

 

P.S. 我明白宜家中國人抗疫成功,所以無人帶口罩,但如果他感染左,但無戴口罩,即使你戴口罩,個防衛率只有30%,代表會感染的機會有70%,祝大家好運⋯⋯

 

作者:審計戰友

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 211665
Date: 2020-11-22 11:17:26
Generated at: 2020-12-06 02:24:40
Permalink: https://www.vjmedia.com.hk/articles/2020/11/22/211665/去中國跑field:you-are-the-chosen-one