見工過份自信,其實都幾乞人憎

 

話說小妹最近要撈埋人事部,請緊設計師同媽劇停,招聘廣告一出,海量嘅人send cv嚟,本身我已經忙到甩碌,所以只係用咗好少時間去篩啲 cv,有幾個設計師嘅cv都係一張極低清嘅圖,我連佢叫咩名都睇唔清楚,直情睇到我好似去配眼鏡驗眼咁,呢啲低級錯誤大家千其唔好犯,然後有啲揀咗極潦草嘅字,好難睇我就會自動跳過。

不過今次主力係想講in「媽劇停」人嘅事,第一個係有幾年經驗嘅男人,仲識少少設計,大我兩年,但係望落去成四十幾歲,嚇親我,究竟佢做過啲咩搞到咁滄桑,其實成個interview我都覺得佢對答得宜,有經驗人工又唔貴,但係我一in完腦細就走嚟同我講:「喂,呢個睇個樣都知唔掂啦,點解你見親都係仔,無女嘅!」呢個世界真係好現實,好多腦細都會睇樣,唔一定要靚仔靚女,但睇落一定要smart,精精神神同整潔。

其實我唔係淨係想見仔,但係打咗十幾個電話都無人聽,有啲又放我飛機,得佢同另一個女人肯嚟見,呢個女人大我7、8年,經理級人馬,我係請助理,即係under我,其實我都知佢未必啱做,但見佢人工都唔貴就見吓。我不嬲對嚟見工嘅人都好客氣,首先我比咗張form佢填,填完之後我就叫佢等等,雖然只係講咗幾句,但係我已經唔多鍾意佢,佢應該以為我係人事部嘅小薯仔所以對我態度有啲差。

「你簡單介紹吓自己先。」我說。
「好吖!中文定英文吖?我兩樣都得!」女人得戚地說,我心諗我用中文問你,咁你覺得係中文定英文,你咁叻,用泰文吖笨!
「我有好多年marketing經驗,所有嘢都識做,例如係abcdefg,有時會砌proposal報tender,你知唔知tender係乜?即係…下刪一萬字。」女人滔滔不絕地說,佢真係當我乜都唔識,雖然我睇落後後生過佢,但我大大話話都有七、八年marketing經驗!
「點解上一份工無做?」我問。
「因為佢哋請咗個好貴嘅manager就犧牲咗我。」女人說,我心諗哦,正常吖。
「你仲有無啲咩想問?」我說。
「呢度嘅marketing team有幾多人?」女人問。
「我囉!」我得戚地說,心裡暗笑,然後佢就呆咗,問我係咪負責埋人事部,又讚我寫啲嘢好好,可惜已經太遲喇,我最憎啲狗眼看人低嘅人。

無論係見人事部定係部門主管都好,其實都應該保持基本禮貌,因為就算係小薯仔,佢都絕對有權篩走你。見工有自信係好,但係唔可以太串同自大,因為唔係你一個人叻就可以做晒所有嘢,其他工我唔知,但係marketing係好著重溝通,仲要係同唔同部門嘅人溝通,亦講求team work,所以佢呢啲係絕對係可以拜拜佢條尾,亦難怪佢之前份份工都做唔長。見工其實真係有好多趣事,無論係見人定畀人見,呢啲就當係反面教材啦,做人都係兼虛啲好。

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 十全女生續集:這些女孩那有這麼完美(麥明詩、彭匡怡、李海瀅、湯振玲) by 無神論者的巴別塔
    其實十全女生構思,係源自《火鳳燎原》「十全呂布」,加上有人以十項優點黎形容石臻善,貪玩之下才用呢種形式寫落去。不過要從每一位女性都找出十個優點實在有點勉強,所以今次決定拋開呢條規則寫得輕鬆啲。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
  • 【隱世清幽】愉景灣橫山徑 by 白恩樑
    愉景灣横山徑無咩人行(一個山客都遇唔到),可能唔出名又唔係上山頂KILL BILL,夠野外、難度低、唔係鋪晒石屎但又好好行,真行山徑,唔係咁多,要感謝管理員維護得呢條山徑好好。…
歡迎讚好我們的facebook page,免費資訊源源送上。

文章資訊

ID: 211839
Date: 2020-11-28 09:47:03
Generated at: 2022-11-26 22:48:28
Permalink: https://www.vjmedia.com.hk/articles/2020/11/28/211839/見工過份自信,其實都幾乞人憎