BNO可以做太空人，咁留低係咪出賣手足？

關心一下香港既左膠，成日都話十二月好難捱。十二月過左三日唔夠，有線新聞部大地震，高層話自己下屬成班爛仔講數。黃之鋒林朗彥周庭坐監，方仲賢畀人秋後算賬，肥佬黎還柙，許智峯流亡。2020年12月，只係過左3日，好難過咁話。

點知，去到星期日，蘋果頭版既報道，就話，BNO 唔使一家大細去，可以留言個人做太空人。

嘩。真係精彩。睇啲移民 group ，個個屌晒鬼。有啲人走去信果堆 9up KOL 嗰啲，又賣樓又離婚又諗住Lord of the Ring 果堆，睇到呢條新聞，情何以堪？更重要既係，果堆自己推手既狗口長不出象牙既核突KOL，請問你地一路講話香港而家唔走冇得走，咁而家英國決定留香港人係香港做雞搵錢養英國，你地又會唔會話香港會變集中營？香港會變集中營咁做太空人做咩？叫人留低，搵錢，養家既果堆，會唔會變左藍絲，走狗，法西斯？信晒佢地果堆蠢人，又可以點樣自處？

而最令人心痛既，我估就係盲撐黃之鋒同周庭仲有嗰個林朗彥（雖然應該冇咩人識佢，佢先最可憐，出返黎都唔可以做政治明星，patreon 都冇兩百萬一年），而家英國對香港既處理，係睇住你黃之鋒，周庭，入獄，肥佬黎還柙，回應係「香港人請留係香港搵錢養英國」？我想問，出面自稱打國際線既香港手足，呢件事，係咪你地有份推既？如果有既話，你地係咪有份減輕香港人才外流既壓力，變相幫助中國？

大家唔好失憶：中國係知道BNO有特別通道果陣，講過話唔承認BNO係旅行證件，所以大家先走難咁走，話而家走到好走架。而家又話可以做太空人，中國ok 左未？而家外交部如果可以好似凍結許智峰戶口咁，隔夜就將BNO宣佈為無效證件，咁太咩空人？係咪兩國係度眉來眼去，話希望「人才外流壓力」要減慢「換血都要時間」，所以先推出呢個方案？有冇果d，搵緊香港人香油錢，畀香港人當民主菩薩咁拜既流亡海外國際線香港人可以解釋下，呢一個「太空人計劃」，係咪由你地力推既？如果係，請問你地係咪鼓勵香港人留低？如果唔係，請問你地之前講呢樣果樣話到自己幾撚大功勞，係唔撚係講大話，係唔撚係做騙子？

香港既YouTuber，十個9up 9個騙，剩低一個痴撚線。你信？我真係恭喜你呀。

作者：左膠正垃圾

左翼？？？左膠就大把。

閱讀後覺得好，請多多讚好及分享～：）