Pornhub 被金融機構聯手打壓,係大公司合法打擊資訊自由。

 

其實好多人雖生猶死,唔一定算係生物。真正既生物係族群文化,人類頂多算係一粒細胞。龐克大屠殺係文化倒退,係歷史浩劫,係新聖戰,係Deep state,係AI危機,係終結既開始。唔明可以去睇《未來戰士》同《SOX》,總之好大件事。

我好早就成為龐克(Pornhub)用戶,可以話係識於微時。由剛出來社會既小青頭,到依家變成色途老馬,龐克從來無令我失望過。情人會走,女友會分手,原以為只有龐克可以長相廝守,估唔到被印度神童講中,2020年12月真係會發生一件比武肺更嚴重既事。人就遲早死既,但好片係應該流傳千古既,我地唔做好文化保育,又點對得住下一代?

今次事件性質惡劣,係Paypal、Visa同Master三大金融機構越俎代庖取代政府功能,係無審判無協商既情況下聯手打擊資訊自由。Pornhub為左息事寧人突擊刪片,但我就認為依個只係開端。將來經濟階梯只會被大公司合法壟斷,創業者就只能交各種電子保護費,再去獲得各種虛假既自由。其實龐克果度唔止得甜片,仲有好多慈善教育政治視頻,尤其係被政府禁制既。人地年年都捐大把錢出去,又帶頭推廣性別平等性傾向平等,但班左膠右膠都可以扮睇唔到。大把人上去係為左上數學堂咋。無左龐克,甜片就繼續被片商壟斷,素人永無出頭天,男性女性齊物化,真係仲衰過英國初夜權惡法。

依家每日多一兩個鐘,人生感覺就更稀薄了。拜登有錢可以聞細路,窮撚千辛萬苦買個會籍就被人一筆勾銷,我都唔知講咩好。好多人覺得咸網傷風敗德,但其實咸網先係幫手減少性犯罪,因為性慾係生理需要。覺得咸片有強姦Play會教壞人,咁無得睇既人咪會真係去強姦,道理好難明咩?大禹都知治水要疏導而唔係堵塞啦,你班道德撚係塞緊幾十億男人,每人幾百億條精蟲呀。依家又無蘿漫又無龐克,仲叫人點樣在家抗疫?

Tumblr寒,Pornhub亡,願ThisAV可以為人類文明留一棵獨苗,願天下塔利班統統燒春袋,善哉,阿們。

 

作者:青衣碼黑絲

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 212410
Date: 2020-12-15 22:36:41
Generated at: 2021-02-28 05:28:59
Permalink: https://www.vjmedia.com.hk/articles/2020/12/15/212410/pornhub-被金融機構聯手打壓,係大公司合法打擊資訊自