今次呢個故事，真係有啲驚心動魄，白白見慣哂大場面，個心都真係會淆底。不過呢幾日見到馬𩣑山廢教堂終於安排清拆，真係覺得有啲黯然神傷，白白就講下同小教堂嘅緣份啦。
不過喺講故事之前，白白真係要鬧左人先，所有曾經拎住紅色黑色蠟燭、加一堆骷髏頭去小教堂影相嘅gothic撚/cosplayer，我真係屌哂你地所有人老母，再屌埋你地一千次！呢壇大鑊野完完全全就係你班人搞出黎…
話說喺差唔多5-6年前嘅時候，機玄巧合地我收左一個（不肖）女徒弟，同時亦係白白屈指可數嘅徒弟之一。機玄之下如果白白話收錢叫佢黎上堂，佢就一定唔會黎，所以以拋磚引玉嘅方式，白白免費比佢黎上堂，但就要求佢學成之後，去為地球做返十次好事，例如驅散邪靈、渡化地縛靈魂、或者侍奉山靈地靈等等，而我地又稱為「地球行者Earthworker」，係一群聽到見到各國靈魂呼喚，而自告奮勇、以慈心去協助世間嘅靈性工作者，令地球嘅積怨少啲，就會少啲天災人禍。
而白白就… 當然係水佢啦（笑）！有人幫手做下，咁白白咪唔洗做咁多野！（而家不肖徒兒見到，會唔會諗其實一早交學費係咪無咁麻煩 XDDDD。）
因為不肖徒兒佢就好淆底嘅，咁身為師傅又唔會睇住啲新手去死，所以鑊鑊小白都有跟埋出去一齊搞，咁其中一次，就唔知點解去左馬𩣑山廢教堂。
當年Facebook有個廢墟攝影嘅Page，當佢出左關於呢個廢教堂嘅相之後，因為呢種咁靚嘅教堂場景（仲要荒廢），影相係非常有味道，亦都導致吸引左好一群gothic/cosplayer不斷咁去影相，仲要拎哂啲魔法儀式用品、骷髏頭、點埋黑紅蠟燭、化個爆血死人裝去影，個陣簡直係紅極一時。
其實未去原址之前，白白講起呢個地方，個頭都暈一暈，諗返起點解會師徒一行三人咁去，真係勇到一個點。
我地個日就搭的士去到馬鞍山上面個小村落，其實個到啲居民都幾反感外人入黎，我地落車行左一陣，已經有幾個村民眼望望，不過就暫時無出聲。
白白同不肖徒弟慢慢行上山，個日明明就風和日麗，仲係夏天黎，但就唔知點解總係陰風陣陣，仲要淨係呢個山頭嘅位置先烏雲蓋頂咁！上去小教堂就只有一條小路，我同不肖徒兒就行到呢條樓梯嘅下面，同樣有陰陽眼嘅白白同徒兒，已經見到教堂頂上面有個著住燕尾服、戴住紳士帽、有個微笑小丑面具嘅男人，好自信好串咁企左喺到，一睇就知唔係善男信女！因為一般嘅鬼魂/邪靈，都係一啲面容扭曲嘅恐怖樣貌，佢地怨念嘅頻率，喺有陰陽眼嘅人眼中，只會澄現出爛哂嘅模樣，而呢隻可以超越一般限界，以「優雅」外貌出現嘅野，絕對絕對係一隻Boss級精英怪！
今次明明就係不肖徒兒自己要做嘅野（學費！），但佢喺樓梯下面，已經驚到成塊面白哂，係咁震，講野仲口窒窒，白白話「我行先，你跟住我啦。」佢都唔肯行上條唔夠廿級嘅樓梯一步…
「大大，我..我… 真係…唔…得…」
「得啦，你企喺到，我去。」白白好勇猛地行上樓梯。
個教堂其實有鐵絲網同閘圍住哂，白白就行到去閘口用靈視力探索，喺教堂入面有大量嘅游魂野鬼飛黎飛去，但好似困住哂出唔到去。同時喺白白眼前閃過嘅，就係大量啲人喺到玩滴蠟、又潑酒(假血?)、又BDSM嘅畫面… （影下相真係需要咁咩？），而最可怕嘅係，有人曾經貪得意喺入面做過啲黑魔法儀式，簡單啲講就係跟住網上啲咩召喚惡魔教學做咗一次，因爲佢地係麻瓜，嘻嘻哈哈以爲無事，之後就拍拍屁股返屋企了！但佢地唔知道，原來佢地嘅念，加埋啲恐怖物件嘅協助，再加上呢件事不停由唔同嘅人重複地做，再再再加上佢地post相比其他網民一齊供養啲負能量，佢地好成功地召左隻堅野過黎… （真係要屌多一次佢地所有人嘅老母！）喺白白睇到一半嘅時候，啲村民行左上黎…
「喂，你地喺到做咩阿？」村民一行三、四個人上到黎教堂附近…
「無阿… 我地睇下…」同行另一位師兄回答…
「無野睇阿！你地好走啦吓！我報警架啦！」
既然有報警撚出現，白白一行三人就無奈地先退返落山腳，真係多得班cosplayer唔少，個個成日爬入去影相，已經搞到連啲村民都好反感，行埋啲都喊打喊殺。雖然話而家黎左一次，喺白白個內建系統入面已經開左傳送點(checkpoint)，遠程做野都可以，但點都唔及喺現場做咁快手方便啦。白白就快快手喺山腳到炸左一道光柱落個教堂，打返開個教堂結界，放返哂啲遊魂野鬼走先，唔好再累積啲怨氣越黎越大鑊，小則成條村頭暈身慶、山泥傾瀉，大則好似傳銷公司咁，啲怨氣由村落漫延至地區、國家，大家望下大型戰亂過後，越南閪到而家有無好過？即使去村口之後，啲村民依然係咁俯視住我地，所以我地一行人就上的士返中心，繼續處理後續問題。
不肖徒兒仲依然驚魂未定，我呢位徒兒平時係有個勇字喺心口，喺靈界係長期橫衝直撞，好似唔怕死一樣，直情遇神殺神、遇佛殺佛咁嘅款，但佢應該係人生第一次真係識得驚，發覺原來天外有天，原來有啲力量係強大到咁嘅程度，都算係佢好寶貴嘅一課黎。最重點咁當然未完場啦！返到中心之後，我即刻開左個結界，啱啱喺小教堂咁樣炸法，其實我都係發出開戰訊號架啦，當然要準備好大軍壓境啦！呢啲雖則係大鑊野，但都係非常寶貴嘅學習機會黎，正常上堂邊會遇到咁嘅情況呢？所以我就叫冷靜返少少嘅不肖徒兒一齊再上路， 喺靈界穿梭，返返去小教堂個到繼續。
再一次黎到小教堂嘅靈界層面，啲遊魂野鬼已經離開哂，喺一間空蕩蕩嘅教堂入面，小丑男亦都唔見左，我地兩個就嘗試搵啲蛛絲馬跡。突然之間，喺其中一張長凳嘅背後，跳出左一隻小惡魔(Imp)！佢衝過黎想攻擊，徒弟仔就全副武裝上前，一劍殺左。喺呢啲大戰場面，差不多每次嘅流程都好類似，啲暗黑力量會先送出「引路人」，就好似偵察兵咁，全部係啲小嘍囉，探查到我地嘅存在之後，啲大Boss就必定喺背後！
喺第一隻小嘍囉死左之後，開始出現大量其他精怪，四周圍就被黑煙籠罩。一路斬殺啲邪靈之後，去到最後我地再一次見到小丑男嘅出現… 戲玉開始了…小丑男一出現，不肖徒兒就開始進入迷霧，見到好多唔同嘅幻象，而且意識開始蒙糊…
「喂，醒阿，集中精神！」白白盡力保持徒弟仔清醒。
「係…係！」
「快啲問佢叫咩名！」通常要對付啲Boss級大佬，都需要知道佢地係邊個，而作出對策…
「123456，123456，123456，哈哈哈哈哈！」
我地同時聽到一連串念數字嘅聲音，陪隨住恐怖嘅笑聲… 白白個陣已經知道，七大罪嘅其中一位已經到左… （真係又想屌啲cosplayer老母…）
「大大，有好多奇怪嘅幾何圖案魔法陣飛緊埋黎，點算好！」
「冷靜啲先，問到咩名未？」
「應該係Pride(傲慢)…」
白白心諗，屌咩，傲慢係大佬中的大佬Lu哥黎阿（大家千祈唔好叫佢全名阿，會即刻到…）
「你而家喺心入面諗，想像一個同佢個魔法陣啱啱反轉嘅一個圖案，條鎖匙叫Humility(謙卑)，之後打返過去化左佢個陣，快！」
「下！好難！即係點？！」
「快！做啦總之！」
「喔…喔…」
當知道左惡魔嘅精髓(essence)係咩之後，唯一對付嘅方式就係用返相對嘅美德(Virtues)，用錯左係無效，而如果拆唔切啲陣又中招嘅話，後果可大可小！有可能就被惡魔喺個思想入面，種入一粒罪惡嘅種子，當自己受引誘而墮入七宗罪之中，呢粒種子就會萌芽，令人深深墮落… 成為佢嘅俘虜…
喺一輪嘅魔法陣拉鋸之後，破碎所有幻象同障礙，白白就拎起一條羽毛，召來288000位天使，嘗試將黑暗驅逐，但對手係大佬之中嘅大佬，唔係咁簡單一叫就走…
白白好少有地開放哂自己所有嘅力量，將白白靈魂144個身處不同時空嘅分靈全部召來（註：每個人都有），以靈魂最接近本源(神)嘅狀態，勒令所有暗黑力量沉降於地面以下… （in the name of God 以父之名），Lu哥冷笑一聲，轉身回歸黑暗當中，事情總算告一段落…
白白由旅程返到黎打開雙眼，再望一下周遭，呢個時候，徒弟仔嘅呼吸停左！
「喂，返黎！返返黎！」白白不停咁叫徒弟仔。
「。。。」一啲反應都無。
「XXX，現在我召回你所有嘅部份，所有屬於你嘅力量，返返黎，呢一到，呢一刻！」
白白舉起雙手，好似凌空拉緊一啲重物，將徒弟仔嘅靈魂拉返返入去佢身體…
「阿… 做咩事… 我好似… 唔記得咗要呼吸…」
「係阿，你飛走左… 你自己做多幾次，舉手叫自己個名，用力向下拉，拉返自己返黎…」
「好…好..」
就係呢一刻，白白發現原來啱啱叫自己所有部份返黎嘅時候，徒弟仔嘅靈魂都同時被召回，咁即係話… 徒弟仔某程度上就係我嘅一部份…
經歷咗呢一次大戰之後，徒弟仔都成長咗好多，亦都慢慢成為一位獨當一面嘅工作者。我地亦都經常傾計，講返大家細個嗰陣嘅經歷，發覺原來同一個靈魂真係會經歷類似嘅野，連細個有張做功課嘅細摺檯係藍色貓頭鷹，細緻到咁都可以一樣… 同徒弟仔啲神秘野，就留返下次再講啦～
總之，大家真係唔好貪得意，見到網上啲靈異野就搵黎試，「不作死就不會死」，仲玩緊Dark野嘅朋友，好自為之啦真係… 係咁先！
___________
咁啱講到靈魂，講多少少知識野啦…
註：每一個人嘅靈魂都係一個單位，稱為Soul monad，一粒Monad分為144份，而我地現在嘅生命（包括所有前世今生），都只係成件事嘅1/144，仲有143份嘅你自己，存在喺唔同嘅次元同時間線上，或者有啲會同一個時間線上面遇到，就好似我同徒弟仔咁。
註2：咁雙生火Twin Flame又係乜？其實係講緊另一份嘅Soul monad144/144，同你呢份144/144就好似孖生咁，所有嘅人設基本上係一樣，基於大家自由意志選擇不同，玩出黎嘅結果都唔同(條路自己揀、仆街唔好喊），同感情係無絕對關係，甚至有情況雙生火係一黑一白，互相衝突，以加速大家嘅成長（例如白白同…），所以我真係唔知啲情愛達人Ig話幫人搵Twin flame，又咩增進感情又盛係咪撞親個腦？邊個話Twin flame一定開心拍拖永遠在一起？可以完全唔關事羅…
註3：Soul mate 靈魂伴侶都一樣，互相影響大家最深，令雙方都有最大得著嘅任何soul monad，都可以係你嘅靈魂伴侶，亦因此好大好大機會係傷你最深嗰個，因為令你人生從此改變。所以嘛… 日日問邊邊個係咪自己soul mate嘅各位，建議返真係FF少陣啦… 唔係soul mate就開心快樂到永遠架… 白白細細聲話你知，通常呢，長長久久個啲人都唔係你soul mate黎…
【現代巫師點滴】
風水佬亂set 嘢，古靈精怪圍住間屋開Party，可以點解決？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2020年12月18日
