點解你唔肯公開我地關係?

情愛點滴 / 最新文章綜覽

 

「你明唔明呀,我唔係想曬命想打卡呀,我只係想要啲安全感呀!唔肯見家長都算,唔公開關係又唔俾我見你朋友係想點?」望住眼前失晒常態嘅女朋友,呀智呆左唔識俾反應。喺限聚令下餐廳並冇乜食客,除左當時人外只有老闆娘同兩個侍應聽到佢地對話。呀智同婉澄一齊左一年半,之前其實都有為同一件事嘈過交,但佢係第一次見到婉澄發咁大脾氣。呀智約左朋友星期日上屋企打邊爐。婉澄話想一齊,但呀智不斷以「我啲朋友你都唔識,我地成班只會講啲中學時期嘅嘢,你會好悶架,佢地走左你先過黎啦」理由作推搪。婉澄就話咁我食飽咪入房做自己野,冇所謂架,呀智就話唔想悶親為由拒絕左。

「其實你係咪唔想你啲friend見到我呀?」婉澄飲左啖奶茶後重重地放低。「唔係,咁你咁遠走過黎坐成個晏晝又搭唔到嘴,我夜晚先陪得你幾個鐘,你星期一又返工,廢事要你走過黎啦。」佢住屯門,女友住將軍澳,基本每星期女友都會「長征」四十幾公里同呀智見面。因為今個星期六女友要返工,所以想星期日先過屯門,但呀智並不贊成。

婉澄溫柔體貼,價值觀同佢相近,床上功夫亦不俗,好少發脾氣,係好好嘅wife material。但婉澄同佢一齊之前試過偷食,出軌對象正正係呀智中學時嘅老死。雖然呢件事已經係四五年前嘅事,但對呀智黎講呢件事喺佢腦永遠都不會磨滅。話唔介意就假嘅,所以就算一齊左咁耐,呀智並冇帶女友見家長,甚至冇同朋友講,社交平台上亦從來冇提及過婉澄。「關咩事啫?我都話冇所謂咯。」婉澄明顯唔滿意呀智嘅回應並撓埋雙手,個樣西到啲侍應都唔敢行埋去拾碗碟。「我地返去再講啦。」呀智拎出兩張紅衫魚並舉手示意侍應埋單。

去呀智屋企嘅路途上,兩人冇再出過聲。即使喺極其搖曳嘅輕鐵上,婉澄亦冇好似以往咁挨住呀智,而係握住冷冰冰嘅扶手。輕鐵突然刹停,婉澄企唔穩一下挨左落呀智身上,然後即刻企返好,眼尾睄都冇睄過呀智。呀智深呼吸,嘆氣,今鋪唔知點拆好。終於落車,呀智想同女友肩並肩咁行,但婉澄故意愈走愈快,呀智努力跟上但無奈腳有傷患,只好望住眼前人身影愈走愈遠。佢慢慢行返屋企,行到去樓下平台見到婉澄孭住個背囊。「喂,你去邊?」呀智擋喺女友身前。「返屋企。我想分手。」婉澄目無表情。「我地上去慢慢傾好冇?」「之前咪傾左好多次囉,傾得掂我就唔會孭住咁大袋啦。完啦好嘛。我想做人女朋友呀,唔係咩唔見得光嘅secret lover呀。」婉澄甩開呀智隻手。

婉澄向路邊揮揮手,上左的士。呀智呆望住漸漸遠去嘅車尾燈。其實呀智由始至終都冇認真看待佢同婉澄嘅關係。係,婉澄係好女仔,但呀智始終心入面有條刺。佢知道呢段關係唔會長,所以選擇唔公開關係。與其話女朋友,或者喺呀智眼中婉澄更似每星期都見嘅sp。

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
歡迎讚好我們的facebook page,免費資訊源源送上。

文章資訊

ID: 212580
Date: 2020-12-19 13:41:35
Generated at: 2022-05-25 13:02:27
Permalink: https://www.vjmedia.com.hk/articles/2020/12/19/212580/點解你唔肯公開我地關係?