陳自瑤一下冷笑,盡現大台影響力

 

 

昨晚TVB是播放《萬千星輝頒獎典禮2020》,全晚最高潮並不是什麼最佳男女主角誰屬,又或者是那一套成最佳劇集,而是當王浩信要多謝他的太太陳自瑤時,她的冷笑態度,成為當晚最高潮。

你會問,從那個數據可以得知?收視嗎?數據是識講野。

那你問問今天Facebook,或者你身邊的人,又或者Whatsapp、IG有幾多人瘋傳陳自瑤的照片便知道今天大台的影響力。即使平時一些時常恥笑大台的PAGE,都一樣用陳自瑤冷笑的照片來暗喻、明喻或者取笑一些時下笑話,這照片成為萬能KEY,成為新一代MEME。

或者你會問一幅相點可以足以解釋大台有幾多影響力?

如果無人識陳自瑤,咁就唔會有今日洗版風?連恥笑TVB既PAGE都用佢張相,咁點解大家會識陳自瑤?雖然大家或者會話,佢係第一代CTI女郎,點會唔識呀?但講真係咪所有人都記得呢?始終都係因為電視入屋才會認識陳自瑤。然後又會有人彈出來,我唔識陳自瑤喎,咁咪即係等於大家話我唔識Mirror咁解,一樣係有矛盾。你唔識,唔等於其他人唔識。唔睇TVB,唔一定代表你有taste或者有幾高檔,反之話只睇ViuTV或者只睇Netflix亦然。

看看昨日Google Trend,第一位係王浩信,第二就係《萬千星輝頒獎典禮2020》,頭十位,有七個係與TVB有關,TVB係香港的影響力仍然很強大,特別係娛樂演藝方面。昨晚該台全部藝人出席,站在前排的藝人,基本上你即使唔記得佢個名,但都會認得。「認得」其實已經入左屋,即係有影響力。

當然時移勢易,TVB再唔係昔日電視撈飯,晚晚要睇三線劇的時代,這是事實,該台影響力正在下降中,特別係年輕一輩也減少中(但不代表唔睇),但是並不全面退場,其價值仍在。所以國家仍然很看重這個電視台。當中理由係除了慣性收視外,TVB論資本仍然是全港最大的電視台,當資本大時,其實就代表著可以做的事比其他電視台多,形成一個正比。

我們在恥笑TVB,只係恥笑佢比以前無咁大影響而唔係無影響,因為這是兩個不同的概念。在此是需要認清一些事實,而不要避免跌入同溫層。

同溫層雖好,但卻容易失焦,失去理性的判斷力。

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 213181
Date: 2021-01-11 21:25:01
Generated at: 2021-04-14 05:47:21
Permalink: https://www.vjmedia.com.hk/articles/2021/01/11/213181/陳自瑤一下冷笑,盡現大台影響力