遞咗信唔係最輕鬆嘅咩?

 

12月31 號遞咗信,計一個月通知,即係officially 1月31 號係最後一日,本身已經憎到憎無可憎嘅一刻先遞信,實在計漏咗遞信後果一個月嘅時間。係人都會話,「辭咗職就大晒架啦」,思想正確,但原來要做都唔係咁易。

自從公司喺上年年尾開始玩重組,話要減少官僚作風,提高工作效率等等門面廢話,香港區直接由上海接管,所有人都由大陸果班友直接管轄,最初我純粹以為上司轉咗,工作照舊,我真係天真過天真嬌,仲白癡到以為真心一國兩制,「香港同大陸個做嘢方式都唔同」,點唔同都好,即使大陸知唔知道呢個事實都好,喺佢地眼中只有兩個答案:你唔幫手做& 如佢地所願做好咗。

大陸人麻柒煩唔係第一日先知,由我做retails 時經已知道,但呢個人種都唔係最難搞,至少你可以媽叉佢地,然後佢地都仲會乖乖地,好好玩架(btw 最難搞係香港人同印度人),但原來當換成辦公室模式時就exact7ly 唔同。首先,我一直以為香港人應該係全宇宙最急最chur 嘅人類,同大陸office 人交手後先知,香港人真係尾燈都睇唔到,你以為自己chur?大陸班煩膠仲chur,呢頭講完俾你嘅嘢,佢地expect 你會即刻做,幾分鐘搞定,繼而不停invite 你開會去懶係update 個status,真係好鬼上心嘅啫!chur 到你吊頸都無得抖氣,我唔知大陸果便有幾多人做嘢,但都聽聞過大部分都只係得一種工作,並非香港我地multitask,any 肥。Chur 都算,但chur 到好似癲咗咁先最令人忟憎,就好似上年年尾開始話要轉公司銀行簽名,程序係要我地draft 好個minutes,再搵啲董事簽晒名就隊俾銀行批。年尾搞啲咁嘅屎忽嘢都算,日L 日都喺度催,未學行先學走,簽名都未改好就想開網上銀行嘅access right 兼拎token,媽啊,俾啲邏輯好唔好?講咗N 次都係咁chur,然後問佢地拎銀行要嘅資料又多多質疑,真係煩到不如你地自己做喇咁巴閉!到我地做到咁上下,佢地先黎講話啲人名未confirm,要再等,果下我真係對白眼翻到後腦,急乜嘢啊?你啲嘢都未firm,然後狂隊我地屎忽,咩叫效率啊?唔係鬥快囉好無,真係好討厭呢種工作模式。

第二就係喺佢地眼中無嘢係做唔到。我唔知大陸個文化係咪真係太習慣有檯底交易,即係正路係唔得,但問多兩句會得。即刻醒起以前啲大陸客都係咁,講咗話賣晒,然後死都要繼續問,我果時成日都同同事講「都講咗無啦,唔通有我收埋唔賣俾你咩」,大陸可能真係興同你唔熟,就唔幫你唔賣人情俾你?人情係點買返黎我唔知,係咪有呢味嘢我都唔知,總之你做唔到,佢地就一定覺得係你唔落多兩錢肉緊幫佢地完成,係你問題,唔係個制度問題。其實呢樣嘢都幾難搞,明明問心無愧,問清問楚,唔係唔想幫,但真係做唔到,但佢地就一副覺得你唔肯幫手嘅模樣,加上輪迴式重複問,返工嘅時間就係俾佢地chur 啲無謂嘢同埋錄音機播帶咁回應啲一樣嘅嘢,係,我地真係有心唔幫你做架,你開心未?放過我地啦。

開無謂會呢樣嘢應該唔駛多講,大家都明係咩,但我就真係第一次經歷。每個月開兩次同樣嘅會,第二個係有大陸區最大粒嘅sit in,然後大家重複一次喺第一次個會講嘅一切。個會大概講仲有咩單未俾錢,咩貨仲未收,講緊係加埋香港,有七個區,每個人開個自己做嘅excel 出黎匯報。第一,個report 自己做,有咩大問題嘅都一定會present 前hide 咗,最後阿姐問有無咩大問題時一定會話無;第二,七個區,未到你時都要join,都要一齊聽下其他地區一定無問題嘅report 係何其費時,坐底粒半鐘起跳。You know what, this is efficient for sure.

上半部講咗咁多其實都唔係我呢篇文嘅重點,重點係我辭咗職都仲未真係可以放下心頭石,因為日日都仲有人追殺你咁。宜家大陸阿姐要我將香港嘅工作hand over 俾大陸嘅同事,講真,我唔知有咩hand 同點hand,因為你人唔喺香港,可以話係乜都做唔到。啲供應商寄黎嘅單你收唔到,其他部門同事俾你嘅單又睇唔到,連個bank transaction 你都睇唔到,可以做啲乜?咪就係照hand over 囉,想叫供應商將啲單寄去上海啦,電話費果啲就想喺大陸7-11 交啦,佢地嘅創造力量和幻想真係會嚇你一跳,總之就要接管你喺香港做嘅嘢啦。無嘅咪只能夠轉電郵出單,或做自動轉賬囉,再加埋其他部門同事scan 啲單俾你,不過都係果句,你睇唔到銀行交易,過咗錢你都唔知啦。

就hand over 呢樣嘢,都chur 我兩個禮拜,然後又返番去香港同大陸做法唔同,又要解釋一大餐,再幫佢地解決埋問題,辭職仲忙過未辭,都係果句,呢啲都係無謂嘅,因為遠水不能救近火,講緊係如果香港緊急要開咗支票,都無人可以做到。最好解決方法係執咗香港呢間辦公室,因為香港根本好難同大陸同步,仲要一直以黎都係「一國兩制」,無可能一句重組就可以顛覆晒一直以黎嘅做法同埋否定我地做嘅一切,無人啱無人錯,只係大家嘅做法同觀點都唔同,亦難以喺短時間內強行將兩者融合,否則只換黎玉石俱焚。

至於遞咗信嘅我都攞正牌頹,唔同你拗任何嘢,你要咩就俾你,唔理啱唔啱,反正我都走兼對方唔care,只在乎我有無做到。既然都無人在意,而且都唔再值得時,咁就應該好好放下,無人可以奈你咩何。

 

作者:毋乜贊

九十後的怪人,點點情緒化,點點自大又點點自卑。

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 213295
Date: 2021-01-17 05:39:56
Generated at: 2022-05-26 07:31:35
Permalink: https://www.vjmedia.com.hk/articles/2021/01/17/213295/遞咗信唔係最輕鬆嘅咩?