港鐵最新出入閘QR code 掃瞄器

港鐵自 1979 年服務乘客以來，曾經有一段的長時間，乘客都要事先兌換車票入閘 🚶‍♂️🚶‍♀️

率先於兩鐵面世嘅八達通，則是世界首創橫跨唔同交通工具嘅非接觸式智能卡，但始終與電子貨幣有別，遊客亦要到指定嘅銷售點買新卡。

於是機場快綫喺 2015 年推出第一代 QR Code 車飛，於網上發售或者俾旅行社以套票形式，提供折扣優惠俾本地乘客都可以買到。

隨各行車綫網絡擴展至全港 18 區，訪港旅客數目亦持續上升，港鐵公司於 2018 年批出合約，設計一套全新的 QR Code 數碼付費系統，並由 八達通 Octopus 公司整合至中央車資結算機制。

系統會採用全新的 QR Code 掃描器，只需 0.3 秒便可處理乘客嘅出入閘需求，而毋須事先調整流動裝置嘅螢幕亮度；車資則經由 MTR Mobile app 連結嘅 AlipayHK 戶口扣除。

初期，車站每一排連接唔同出口嘅閘機之中，分別各有兩部會貼上紫色標示，改為同時接受 QR Code 及 八達通 出、入閘。期望疫情結束後，即可減少一批批旅客喺客務中心找換現金、部分繁忙車站售票機大排長龍、閘機前常有遊客需要協助，而令各行車綫人流唔係咁暢順嘅情況。

所以用 QR Code 車票嘅收費表同八達通一樣，亦有每程 20% 折扣，但就未能享受「政府公共交通補貼計劃」，同埋與其他交通工具嘅轉乘優惠。

隨住世界各地的鐵路營辦商，都陸續增加包括 QR Code 在內嘅付款方式，將來港鐵都支援其他金融機構嘅二維碼乘車服務，閘機嘅收費器都會於 2023 年起全面更新，到時乘客即使只係得一部電話喺身邊，都可以用 Apple Pay、Google Pay 等非接觸式電子銀包隨時搭車，唔駛事先增值。

作者：MTR Service Update

數碼媒體平台上影子的鐵路公司溝通渠道， 專注於乘客資訊的工作，目的為示範公共事業之應有水準，服務範圍 ➡️ metroride.hk/ServiceScope

閱讀後覺得好，請多多讚好及分享～：）