偷來的故事

(圖文不符)

 

今日情人節,Facebook 好吸睛兼不斷出現的係:
容嬤嬤食炸鱔
娘娘深情揸機
公公有得睇,冇得食
好x肚餓,閃盲了單身狗,戴番副太陽眼鏡先。

 

呢個時候,我想分享一個偷來的故事。

 

三十幾年前,我朋友在美國某州立大學讀書,遇上來自德國的交換生,然後兩人就愛上了,睇落係一個普通的校園故事。

朋友本來讀書懶散,成日走堂,由於德國人民族性重視紀律,嚴謹,所以同佢一齊後,朋友就很勤學,之前不合格的科目,全部retake,跟著成績很好,這就是典型的和你一起,我變得更好。

然後佢哋過了快樂的年半,德國仔交換生時段完了,要回老家,那個時候冇WhatsApp, Signal, 連電郵都冇, 所以佢哋係書信來往,手寫再郵寄,係每日一封呀!而家呢個年代,每日WhatsApp 都費Q時啋你,已讀不回就算了,一日一封信,真係好重視對方。

 

可惜過了一段時間,德國仔受不了遠距離的愛情,提出分手,朋友好想即刻去德國,但書又未讀完,冇經濟能力,所以就分手了。

若干年後,朋友結了婚,生了小孩,但心裡仍記住此時已由德國仔變成的德國佬,在日本工作。

朋友去了日本搵佢,見到十年前,佢每日寄的信,對方珍而重之,全部跟佢由德國來日本,就知道德國佬從未忘記佢的,呢個時候,朋友想拋下一切,同德國佬一齊,但想起年幼的女兒,唯有再一次同德國佬分手。

 

再過十年,德國佬娶了日本妹,然後朋友仍每日想起他,到今日,朋友的女兒長大成人,讀完書有工作,朋友好想離婚去搵德國佬,但佢已有老婆。

 

對於這個傳說中的人物,我話快啲開佢Facebook 來睇睇,噢!是一個普通的鬼佬阿叔,所謂情人眼裡出西施,就係咁樣了。

 

朋友唯有等佢老婆死,咁佢就有機會了,但我睇下, 個日本妹細阿鬼佬阿叔好多,鬥長命應該會輸。

我再睇下大叔的profile, 有佢讀過的學校和工作單位,裡面有佢做交換生年半的州立大學,只有呢個係用粗體字,即係呢個時段係佢人生最重要的。

過了三十幾年,朋友每日都會想到佢,只要可以,會即刻離婚,佢已儲了五百萬退休,層樓供完了, 而且仲返緊工,仲賺緊錢,人生到這階段,只想和喜歡的人過,佢有經濟能力,可搬去其他國家。

這段刻骨銘心的感情,年半的感情就影響一世了,本公好撚感動呀!

 

作者:莊公公

莊公公
欲練神功,必先自宮 作為公公,最愛指點別人行房 若有日不幸中風,我會希望係馬上風

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 214189
Date: 2021-02-14 20:12:09
Generated at: 2022-05-24 00:46:34
Permalink: https://www.vjmedia.com.hk/articles/2021/02/14/214189/偷來的故事