香港應把打麻雀納入國民教育科必修課程

 

呢個新年,你又有冇睇返嚦咕嚦咕新年財?自從有左netflix之後,我發覺去親邊個朋友屋企,過年打牌,我地都會聽一次。其實我從來都冇由頭到尾認真咁將呢套戲睇一次。每次都係睇緊朋友打牌,又或者係望兩眼朋友又同你傾幾句,食兩粒糖冬瓜,之後先將套戲睇完。

但後來,朋友好認真咁講左一句:「關於麻將既電影,呢一套拍得好盡,好難再搵另一套比呢一套更好。」

係唔係呢?

定係其實關於麻將,as 一場battle,一場爭端既戲。雀聖有果陣時好厲害,呢排又見返佢係電視出現既郭晉安,都冇辦法令人記得呢?

麻將,的確係中國人既玩意。你去到外國,移左民都好,一見到麻將,你就會覺得,丫,呢啲,係華人。最近一次,係電影睇到麻將,除左嚦咕嚦咕新年財之外,就係《我的超豪男友》,crazy rich asian 入面,果個abc 女主角最後同男主角個老母攤牌,即係楊紫瓊啦,都去左新加坡一個唔知係邊度既地方,果個地方係一個半露天既竹館,之後有好多台麻將係度打緊。果個女主角一屁股坐落去,最後都係同楊紫瓊傾完一堆說話,就發現最後自己食糊,都係因為個女仔唔食。

 

 

Oh oh oh,一個abc 會鬆章。鬆章畀自己男朋友阿媽呢啲,算唔算係中國文化?本來,有競爭心,落得場玩得就要贏,係美國文化了吧?點知,一去到中國文化既框架底下,原來都要鬆章畀自己男朋友老母,先叫正確。

呢種,算唔算文化差異呢?睇完呢一場,我只係諗起《嚦咕嚦咕新年財》既一句永遠都被記得既對白:「人品好自然牌品好。」打牌,唔係一場遊戲。係中國人既世界,打牌,係一場政治,係一場角力,贏果個,唔一定係開牌食糊果一個。而輸錢果個,可能最後係另一啲場域,可以贏返更多返黎。贏同輸,唔一定係果一鋪,邊個打到最後,而又可以笑到最後,充滿住你想像唔到既計算同智慧。

胡適話過,麻將中有鬼。又曾經說過,「從前的革新家說中國有三害:鴉片、八股和小腳,其實中國還有第四害,這就是麻將。」但被人翻查胡適的日記時,就找到他曾經在一個七月,打足十三天牌。亦後來寫過:英國有板球,美國有棒球,日本有相撲,而中國自然是麻將。如果你決定要移民,有冇諗過,首先,學下打麻將?至少 ,出外,同中國人溝通,交朋結友,打牌,似乎係國粹,應該納入國民教育科既正規課程。

我從小到大,打麻將係一件開心既事,如果你本身遇著既人,都係人品好既人。人品好自然牌品好。希望今年,大家都可以遇上更多願意同你玩,而又人品好既人。因為,呢啲人,得來不易。我從來都唔覺得人出世天生會害人,只係我從來都唔低估人類既惡意。如果你可以遇上一d願意對你好既人,就好好珍惜啦。

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 214203
Date: 2021-02-15 10:44:14
Generated at: 2021-09-20 00:56:50
Permalink: https://www.vjmedia.com.hk/articles/2021/02/15/214203/香港應把打麻雀納入國民教育科必修課程