良知唔係好食而係黃藍——大眾清盤UA執笠係時代嘅必然

 

「共鳴關乎經歷。」,而喺呢個網絡連結人類嘅年代,經由共鳴得到受到認同嘅感覺,令得到自己feel good。自己能夠獲得幾多外在嘅認同嘅其中一種方法,係SNS上面呃得到幾多like數。冇共鳴嘅嘢,除非純粹俾面朋友,如果唔係真係唔會派like。

如果只係想要件商品(實物或服務)本身,特別係呢個年代,真係冇乜理由去戲院或者書局。想睇戲?喺屋企netflix/amazon prime睇就搞掂。想睇書?電子書同各大網上書店滿足唔到之後,先要落街去買。好喇,如果只係要件商品itself就係咁樣嘅狀況。

咁,點解仲要走去文青書局,又或者行入戲院特別睇某套戲呢?因為呢個行為有附加價值,呢個附加價值tl;dr就係會令當事人feel good。例如話,睇狂舞派、買迴響呢件事,未必真係好支持呢個創作,但係會得到一種「我撐咗粵語」、「我支持咗本地創作」嘅實感。而將呢件事扔上個SNS度,表現咗一個咁樣嘅自己出嚟之後,呃到大家派like,獲得更大嘅認同感同埋feel good。

係咪do good,呢個係個人睇法,而且因事而異,呢度暫且唔討論住;但肯定嘅係,呢個係一個feel good嘅行為。

如同大家捨棄designer’s and character’s嘅高價時裝,唔再爭妍鬥麗,唔再著上服飾設計嘅故事,轉而經由百搭嘅配件著出自己嘅配搭同特色。比起著衫好睇更著重於唔著衫都好睇,故事嘅主角由身上嘅物品,變成自己本身。所以,由著上幾多靚衫,有幾多設計,今晚餐飯有幾高級幾貴;轉變成展現出自己勤奮操肌、出街慢跑,飲食健康嘅一面。對服裝嘅需求,亦由單純嘅好睇,變成著上身方便活動。因為,咁樣做會有「生活緊」嘅實感,同大家能夠有多啲共通點,有多啲共同擁有嘅feeling。望住自己唔著牛仔褲sneaker;衣櫃入面幾乎都係裙同high heel,老老實實,真係感覺到歲月不饒人。

anyway,返返去主題。共鳴關乎經歷。換句話講,唔經歷就冇共鳴。比起唔知有幾多人有食過嘅銀座高級壽司(人頭最平20000日圓起跳),梗係大家都食過嘅壽司狼可以得到更多嘅共感。比起唔知幾多人會買嘅高級家私,點都係nitori或者ikea呢啲隨手可得唔係太貴而且質素算係咁(i.e. 唔係太差)嘅大家隨時會有一件半件,自然會得到共鳴。Jimmy choo未必有咁多人著過,但nike有。或者係咁,赤坂先會話,美人嘅民主化嘅另一個意思係降格(格下げ)。

想要好飲嘅茶葉、咖啡,認住fair trade,避開就冇乜錯;但係,呢個fair trade記號嘅價值,隨時高於好味本身。我影一罐Fortnum and Mason嘅First Flush Darjeeling Single Estate Single Batch,或者大家都仲會見到係Fortnum and Mason而覺得好飲,借用咗Queen Anne或者Royal Blend嘅感覺落去拎得到稀薄嘅共鳴。但Fair Trade茶葉,即使係Twining或者唔知乜嘢牌子,呢個做咗有良心嘅事嘅實感非常實在,同Like數一樣可以睇到。一方面自己feel得到good;另一方面擺上SNS都呃得到like。

除非,好似○門咁樣難食到眾所周知,或者人血饅頭到街知巷聞;去間唔係咁難食,但立場鮮明嘅餐廳度打卡,就好似去食parfait或者pancake咁樣,擺上SNS呃like係重點,兼且可以令自己feel good覺得憑良心行公義做咗好事。而嗰啲食物,只係贈品,just like宅宅買特典送CD,買握手券送poster。而呢個消費嘅過程,亦係一種共同經歷,如同一齊唱「我哋會反拉布」、一齊送囚車、一齊上街遊行、一齊參加選舉、一齊上莊……

至於食物好唔好食,隔住個mom點會知道?於是乎,唔難食is enough,好食係錦上添花,真正目的係feel good而且能夠經由共鳴而呃like獲得認同感。

我呢一刻最大嘅感想恐怕都係,真係好食嘅銀座壽司,想食好快啲食,再遲啲隨時有錢都冇得你食。

 

延伸閱讀

赤坂真理 2007 『モテたい理由』 講談社
井上章一 1991 『美人論』 リブロポート
大澤真幸 2008 『不可能性の時代』 岩波書店
土井隆義 2008 『友だち地獄』 筑摩書房
富永京子 2019 『みんなの「わがまま」入門』 左右社
山竹伸二 2021 『ひとはなぜ「認められたい」のか』 筑摩書房
米澤泉 2019 『おしゃれ嫌い』 幻冬舎

 

作者:砂糖雪(☆しゅがぁ雪♡)

砂糖雪(☆しゅがぁ雪♡)
汀瀅冰中結,砂糖雪裏埋。單純愛美愛腐愛幻想,自知殘存在凡塵俗世,沉溺虛構神話裏、迷途弱蟲迷宮中,困於弱水三千內顛倒夢想 - 神無月的凝視下,葬下零落的白色花瓣、綻放璀璨的戀色花火 - 明知是夢想,依然惜夢。FB :佐藤 栞

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 214532
Date: 2021-03-08 14:00:38
Generated at: 2021-05-07 22:09:14
Permalink: https://www.vjmedia.com.hk/articles/2021/03/08/214532/良知唔係好食而係黃藍-大眾清盤ua執笠係時代嘅