《一秒拳王》——唔正常嘅時代 「碎料」先珍貴

 

講《一秒拳王》之前,在下先獻醜。所謂「香港電影已死」嘅爭論,只係咩人睇咩嘢嘅無價值爭拗。以工業/產業去睇港產片,投資者掟錢出嚟冇利潤、好多戲要大明星唔收片酬先開得成,大製作因為老嘢頂住唔會見到新人上位,小本經營只有noise冇實利,所有現象都唔係正常方向發展。喪失造血功能嘅產業,只係睇有冇人掟錢,基本上同等死係冇分別。

反方論者就覺得正方論者只係用舊形態去審視香港電影發展,港片冇可能再返去一年百幾,二百部,但直至依家仲有人唔放棄繼續做,近幾年台前幕後亦越嚟越多新人同新片種見到。有燈就有人,有好戲就自然有觀眾入返場,新形態港產片陸續出現,所以已死之言講得太早。

與其爭拗冇結果嘅嘢,不如睇吓依家仲做緊香港電影嘅人尋求緊咩可能性。《一秒拳王》唔係一部十分好嘅電影,但正正係因為夠普通,夠四平八穩,先喺呢個唔正常嘅時代顯得珍貴。《一秒拳王》身上觀眾可以搵返90年代尾、00年代初港產商業小品嘅感覺,觀影嘅過程舒服,有笑位、有喊位,冇造作對白,冇突兀場口,當然主角周天仁係潦倒得太過理所當然亦係事實。拳擊類型加中佬熱血翻身同溫情炒集錦未見老套,周國賢嘅個人魅力、「良哥」熊倬樂有趣,加埋張建聲、袁富華、張松枝,同埋盧海鵬等一堆近年港片中流砥柱,仲有大量大埔實景,確有昔日港產片嘅情懷。

但《一秒拳王》又喺尋常框架入面創造好多唔尋常,大馬代表林明禎係導演趙善恆第一部作品《救薑清道夫》嘅女主角,當然都係部戲其中一個賣點。而出演《出貓特工隊》之後大紅嘅泰國男星查朗桑提納托古設定竟然係香港人的確估你唔到,先唔講演出係點,但以佢外形同知名度的確吸引到唔少留意泰國明星嘅人入場。過去幾年大家研究港片可以點樣再走出去,今次有大馬同泰國明星坐鎮,效果係點仲需要時間同市場驗證。不過,針對本地市場而言,自己造唔到血向外求新血都係一種拯救港產片嘅可能性同啟示。喺一面倒反中,厭惡睇到講普通話演員(林明禎講又唔同)嘅大環境下,算係一個融合得唔錯嘅嘗試。

新時代/新形態港產片同過去最大嘅唔同,就係觀眾會要求,或者希望見到港產片回應社會,而且唔可以好似以前咁含糊過關打擦邊球,必須要直接正面回應。作為「後反送中」港產片(差館門口有水馬圍住),「避唔到,一齊捱!」嘅類抗爭意識訊息隨處可見,周天仁喪失特異功能更係港人無力走精面,放下昔日優勢嘅投射。唔再諉過於人,靠意志正面硬撼強敵亦係部份港人嘅願景。有人認為講得太白,有人認為仲未夠,都係觀點與角度,反正作者已死,咪由得「黃色KOL們」天馬行空後期加工。就電影而言,《一秒拳王》喺港產片史冊中只係好似周天仁嘅口頭禪「碎料嚟啫」,但偏偏出現喺一個唔正常嘅時代,呢種「碎料」反而最深得觀眾心,更顯珍貴。

作者:阿享

一個戒緊牛肉,但打邊爐仍然會忍唔住既耶青。

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 214723
Date: 2021-03-19 08:39:35
Generated at: 2022-05-24 02:26:30
Permalink: https://www.vjmedia.com.hk/articles/2021/03/19/214723/《一秒拳王》-唔正常嘅時代-「碎料」先珍貴