補習姐姐開工喇

 

大家好,又係我補習姐姐。真係咩叫「出師未捷身先死,長使英雄淚滿襟前」就正正由我(或所有前2年的所有中學大學碩士畢業生們)親身完美咁體現左了。就係完全地被人攻擊村莊了!

大家都知呢兩年,即2019-2020 都真係過得好不容易,本身諗住可以慢慢將自己的教學歷程和同學生們一起相處的記錄好好同大家分享之際…就遇上了全家、全香港、全球的大大大大大大變化同衝擊。首先由滿街的峰火連連(補習姐姐家住油尖旺區)、到全香港的口罩濛濛、直到全球的確診遍遍…都確實令好多的好多的補習,我都相繼放低左,最後淨係保留番係一間補習社的工作。

終於,塵歸塵、土歸土、家用俾老母下;以家慢慢開始復課了。補習姐姐都收拾心情,再重拾小學的補習工作喇。之前既,有D學生已經遠飛英國、澳洲、加拿大……有一部份係全家一齊走;最細既一個人走,就係升中一時(一個小男生加媽媽,但媽媽都係留半年就都會番香港)。好多都自己去新地方再入學、再識朋友、再開始。我相信大家身邊都有唔少呢D家庭。成件事雖然好傷感,但身為佢地曾經的補習姐姐,我都想佢地有個新開始。

 

 

然後我發現,諗諗下我原來最擔心佢地本身都已經唔叻既中文科。不論廣東話、中文運用、文言文(雖然佢地應唔想再識XD)還是中國文化,我相信佢地都會慢慢唔記得曬,什至愈黎愈差!就係咁既忽然熱血下,既然補習姐姐師承香港大學文學院,又自認係一位文青人,又好想繼續係呢個時代點都做D野下:

 

 

所以我就決定同埋幾個都係文學院的師兄弟姐妹一齊搞一個專俾小學生的中文常識平台 —「吾識中文」了。請大家多多支持!剛剛開始,我地會將所有有關小學生可以識、應該識;可以考、應該該考的中文常識都會出下!請大家多多分享呀!

所以補習姐姐重新出發喇。

註:一般分享文章都以較港式語言表達,非教學範文。

 

【補習姐姐絮語】

 

作者:補習姐姐

補習姐姐
人人口中的補習姐姐 一個中孩子在不同大大小小的家庭中努力教好一班小孩子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 214880
Date: 2021-03-24 22:04:16
Generated at: 2021-05-07 21:55:25
Permalink: https://www.vjmedia.com.hk/articles/2021/03/24/214880/補習姐姐開工喇