死老豆嗰個係我!班「長輩」煩夠未?

 

 

唔知有幾多人記得2016及2017年有好多學生自殺,除咗讀書壓力、學校欺凌、失戀外,其中一個令好多學生感到情緒困擾嘅問題就係佢地嘅父母。私下同年輕人傾計,好多父母無好好理過仔女嘅「感受」,係中國儒家思想下父母同長輩哩啲身份都係既得利益者,所以係教育上一代代洗腦式灌輸孝順父母及尊敬長輩入年輕人個腦,無視人類係有陰暗面而聖人化咗佢地,就算錯都要體諒及接受,就係因為佢地始終係生你地嗰個、佢地都咁老啦~咁仔女有無得選擇出唔出世?又有無得揀邊個係父母先?又有幾多父母真正係生育前去思考帶個生命嚟世上個意義係乜?好多不知所謂嘅父母覺得自己辛苦養大個仔女就大晒,仔女就晒佢地之餘仲要孝順係天經地義,真正天經地義嘅係佢地養育及關愛仔女,令到佢地身心都得到照顧及溫暖呀,因為係佢地決定生嘅自然要承擔返個基本責任,唔使話好富貴而係盡力俾仔女感受家庭溫暖再覺得生存係幸福嘅事。但好多都當得仔女係扯線公仔、發洩對象、防老侍從、又或乜都唔係純粹有兩個臭錢俾你有得食有得住有得讀書生存到就算,然後就一堆「我辛苦生你出嚟」、「唔係我你有今日」、「供書教學」等明明就理所當然嘅原因嚟撻啲仔女去綑綁佢地再加上道德枷鎖同情緒勒索嚟迫到仔女就犯聽話同合理化地受委屈,無視仔女都係人都有自己思想都有自己感受。

 

從來都反對愚孝,都理解係傳統教育下好多人接受咗儒家框架而接受唔到被推翻。但人性總有好多陰暗面,敢於正視先會保護到自己同身邊人。尊敬哩樣嘢從來都只會對值得嘅人做,啲嘢係應該相向㗎,乜都因為人地老就去體諒好,佢地咪恃老行兇得寸進尺囉。受儒家思想影響得好緊要嘅韓國同日本,打個係公車唔肯讓座嘅後生仔哩啲新聞都出過啦~

 

之前家父離世,同一個親友交代我已經處理好身後事,佢竟然未得同意下將我電話俾其他我都唔知係邊個嘅親友而被煩去問哩樣嗰樣,拋低一個訊息叫佢唔好無問過我就將我電話俾人然後唔再聽佢電話,佢就搵佢個仔幫佢俾訊息我其中一句叫我體諒佢老人家已經老,係事件上我先係需要安慰或幫忙嗰個呀,老就大晒可以咁無教養唔識尊重人呀?仲要一個身心疲倦嘅人顧返佢感受呀?老人家就有感受而我嘅就被無視嘅?對唔住都無句呀有無家教?我都未計佢係我由細到大嘅唔尊重同言語傷害呀!我個養兒防老唔生性又固執又唔聽人講但又蠢又要依賴我嘅仆街老豆離開都有一堆爛攤子要我處理,有人叫我放下同放過自己,講就真係好易,正在痛苦嘅係我放乜鬼下呀?件事我過渡咗自然就唔再呻啦,一句「放下、放過自己」就將「呻下」哩個情緒發洩都變成罪封我釋放嘅路而感到更抑鬱呀~唔想聽就唔好用懶正面嘅所謂道理迫死人,真係明唔係個個都接到好負嘅能量㗎~另外「佢始終係你老豆,有佢先有你」真係難聽過粗口,家陣有得揀出世同揀老豆咩?

 

最後想講好重要嘅嘢,安慰人唔係容易都唔可以亂嚟,其中同理心好重要,下面有YouTube link簡短而精結咁講同情和同理嘅分別,往往同情當安慰只會更傷害人,At17嘅Ellen都講過作為情緒患者嘅陪伴者係好難。正能量唔會話完全唔啱,過度嘅正能量係離地又迫死人,又有種放負係暗黑正能量,講事情真相俾人有釋放嘅空間係救到好多人嘅心靈。

 

👇🏻什麼是同理心:

作者:歷琦

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 215177
Date: 2021-04-11 23:21:26
Generated at: 2022-08-11 14:24:17
Permalink: https://www.vjmedia.com.hk/articles/2021/04/11/215177/死老豆嗰個係我!班「長輩」煩夠未?