有人問：英國報警係咪無用？

有人問：英國報警係咪無用？

答案係：通常即刻係無乜用，因為英國地方太大，只要警察黎到之前佢走左，係好難搵得返，我唔係講笑，一個全身黑衣嘅黑人戴埋黑口罩只要佢站在暗角唔出聲唔打開眼，你真係無本事搵得到佢，就算俾你搵得到，你都跑唔贏佢（你知英國啲警察幾肥架啦，重要加廿磅裝備，點跑呀？），所以捉賊嘅效率真係窄窄地。

另一方面，就算影到佢個樣，其實都好難捉到。因為英國係無身分證呢樣嘢，而警察係唔可以好似香港咁隨便stop and search，呢啲犯隨時係連入境紀錄都冇，佢哋每日在不同地區犯案，今個星期玩完倫敦、下星期去爆曼城、下下星期爆牛津再打個白鴿轉爆埋劍橋然後一路向北爆到上愛丁堡，要搵佢地簡直係大海撈針…

咁報警有冇用呢？

答案係有用嘅。

報警會開左file先，那個地方報警越多，就會越被警察重點關注，可能擺多隻天眼、又或是加緊巡邏，長遠而言係有效嘅。

其次係起碼呢條友入左檔案先，上面我講過警察唔可以隨便stop and search ，但上有政策下有對策，警察就會好鍾意在地鐵站擺路障。捉咩呢？捉逃票— 呢啲小偷強盜絕對唔會乖乖買票，一捉到逃票就可以查佢身份，再睇下佢是否在逃，而鐵路範圍燈火通明再佈駐重兵也是插翼難飛。你唔好以為我講笑，呀姐我都係靠捉逃票拉左個殺人犯。

所以，去到英國出事就報警啦，雖然無即時作用，但日子久了還是會有幫助的。

作者：英國警花

閱讀後覺得好，請多多讚好及分享～：）