前同事K whatsapp 獨撚；心諗好耐都無聯絡，唔通叫我買倫金、保儉，真係搵我幹嗎？
K：「你記唔記得華太？」
獨撚：「記得！好似對妳特別好；係一位有教養、好慈祥嘅長者，無記錯都應該有90幾歲。」
K：「嗯！前幾日，華太打電話俾我話會所電話打極都唔通嗌唔到外賣，所以就打我嘅私人號碼落order。」
獨撚：「吓，咪玩啦！我哋都走咗差唔多5年！」
K：「我都嚇咗一跳！因為離職之後，佢仲請咗我去XX會食飯兼shopping。當日，佢知我裸辭就話叫佢親人介紹工作俾我，又話不如幫佢個大仔手。當時，盛情難卻又心急搵工 ……。最後，幫咗幾個月就頂唔順……唔想講舊老細唔好，只係覺得對華太唔好意思。」
獨撚：「唉！傻女，人情債最難還！咁你最後有無幫佢落order ?」
K：「都係舉手之勞，幫得就幫！有人記得你、信任你，搵你幫手都係一種幸福。雖然，華太嘅記憶停留喺過去，咪當 update 下近況。華太知道我啲長輩走晒，所以私下唔介意我稱呼佢做婆婆。逢年過節，我都會寄賀卡、send 短訊，或者託大仔幫忙送禮；直至華太記性轉差唔係咁記得我，無再覆訊息，加上疫情下唔方便聚餐見面，先斷咗聯絡。」
K：「其實，好掛住華婆婆！佢打俾我，我真係超開心、好surprise。Touchwood ，知道佢健在、身體健康又精靈、對答如流……真係一份意外嘅禮物！」
獨撚：「唔怪得嗰時阿姐眼紅妳！係會所做咗咁短時間，啲客記得妳之餘又 keep 住聯絡。妳真係傻女！滴水之恩，湧泉相報。我都唔知鬧唔鬧妳好，江湖險惡留番啲心眼俾自己。講真搵我咩事？講明先金融、保險免問。」
K ：「今日唔知聽日事，想見就見、想食就食……。近期發生太多事，我唔想有遺憾！」
獨撚：「食飯無問題！放心，我無打算移民同打（Four 兄）！哈哈！」
人生中能遇上多少貴人扶持？遇上，係彼此嘅福氣。如果，華婆婆有緣看到的話；希望她知道有位傻女掛念之餘，亦默默衷心祝福婆婆一生快樂、安康 。
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2021年5月16日
