支聯晚會出師不利

 

澳門的燭光晚會被澳門特區警察反對,成行無望!這一邊廂的香港,幾個支聯骨幹仲係被懲教署監管,唔好話搞燭光晚會,恐怕搞個化妝晚會都搞唔成。支聯骨幹依家一日未出得返尼,晚會規模睇怕都只有小貓三四隻。今年搞唔成,日後都幾難以為繼。

年年燭光晚會都無新意,不但無薑炳,亦都無克勤著套迷彩衫走落握手位把現場氣氛推到高潮,唔好以為燭光晚會唔洗畀門票,當晚即場捐款條數咪喺番到,分分鐘仲貴過克勤演唱會;燭光晚會唯一似送禮勤,就係完場後滿地垃圾,好似克勤送俾鰻聯果幅畫作,被當垃圾遺留在更衣室一樣,亂七八糟,執到班清潔工友手軟。

支聯最近好似「被加入」新退黨聯盟,都幾多團體急住退群,真係現實,越來越弱勢,空穴來風,未必無因,班人可能收到風,所以紛紛爭相割蓆自保。風頭火勢下,如果仲參加燭光晚會,即係同自己過唔去。

山頂位大台班政客年年歇斯底里係甘嗌,又唱歌又熱舞,又輪流上台曬冷,無非係做場大龍鳳,但係今年支聯班包括個人會員和團體會員集體退場,好似釋出一個生人勿近的訊號,如果再痴埋支聯果個燭光晚會度,後果真係自負,否則班人唔洗走夾唔抖。

支聯的五大綱領和口號,被形容為可能涉違《港區國安法》,無論是先天還是後天,都唔樂觀,多個團體的相繼退出,就可以預視到支聯的下場。政壇一向因利而合,因利而分,當沒有著數時,都沒有牽強理由繼續再走在一起,仲要有機會被火燒連環船被取締,未跳船的,好可能係疆屍組織或失聯團體,支聯睇怕都會好似細個玩的五合金機械人解體,雲飛煙滅。

無論如何,支聯已好可能快到了她的盡頭,又落伍,又老土,已成為歷史棄物,黔驢技窮,看穿了她的板斧,未來將沒有她存在的空間,時代巨輪將輾碎這段野史。

 

作者:朱家健

朱家健

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 216053
Date: 2021-05-29 04:38:42
Generated at: 2021-06-20 23:08:44
Permalink: https://www.vjmedia.com.hk/articles/2021/05/29/216053/支聯晚會出師不利