宋皇臺站

屯馬綫於 6 月 27 日（星期日）全綫貫通，標誌住「沙田至中環綫」第一期工程正式完成 🎊 🥂

🤎 當日 #宋皇臺 站、 #土瓜灣 站、#何文田 站月台 3、4 將會投入服務
💜 西鐵綫、屯馬綫一期當日正式改稱「屯馬綫」
❤️ 而現時嘅西鐵綫列車，會率先喺 6 月 20 日（星期日）改用 #紅磡 站新嘅 2、3 號月台

列車離開啟德站剛剛一公里後，便會沿啟德新發展區的邊陲抵達宋皇臺站，車站包括隧道通風設施，確保屯馬綫繁忙時間最多每小時單方向能開出 28 班車

宋皇臺站位於昔日機場「13 跑道」頭的地底，今日亦毗鄰香港飛行總會，分別有兩個出口通往新發展區，三個出口位於傳統九龍市區內：
出口 A — 宋皇臺花園
出口 B1 — 世運花園
出口 B2 — 九龍城
出口 B3 — 南角道
出口 D — 世運道

興建車站及行車管道的工程開始後不久，便發現工地地底有不少古物，包括宋代至清代不等的房基、生活用品、水井以及各種先民生活痕跡

出土文物數量達數千箱之多，超出香港現有任何一間博物館的容納能力，而車站的上蓋屬於發展局所有，因此部分文物會於原址保留，行車管道的通風設施就移至近世運道一側，減少車站需佔用的地面

通風設施旁會有出口連接北帝街一帶的住宅，是為 C 出口。但出口喺施工期間仍不時掘出各種文物，考古學家需於整條行人隧道路經嘅地方，詳細調查古物分佈的範圍

車站大堂現時會預留通往 C 出口嘅通道，喺成為新舊社區嘅橋樑前，車站會依賴 B1 出口連接世運花園現有行人隧道網絡，以及 B2、B3 出口到九龍城舊有街道，要前往北帝街嘅乘客，可取道 A 出口外嘅臨時有蓋行人通道

車站大堂非付費區中間位置的天花，預留咗位置換上透明分隔板來展示歷史悠久嘅「J2 井」，公眾人士可分別於地面及地底參觀。同時，車站大堂內亦會有共 22 米長的展櫃，待古物古蹟辦事處落實文物的展示安排後，就會成為本港其中一處常時展出聖山遺址嘅地方， 此前會先安排講述考古經過的展板俾大家參觀

宋皇臺站原有嘅藝術品會與月台柱樑融為一體，唔怕反客為主，奪去大堂內各式文物嘅光茫，整個車站都會接駁啟德新發展區嘅區域供冷系統，響應區內環保發展的規劃方向

作者：MTR Service Update

數碼媒體平台上影子的鐵路公司溝通渠道， 專注於乘客資訊的工作，目的為示範公共事業之應有水準，服務範圍 ➡️ metroride.hk/ServiceScope

閱讀後覺得好，請多多讚好及分享～：）