蘋果執左？一年後會唔會有人記得今日發生咩事？

換個角度諗，蘋果執左，都係一件好事。

大家唔駛幻想香港有新聞自由，唔駛幻想有第三權，唔駛幻想可以繼續有遊行，唔駛幻想同中央點樣Bargain，唔駛幻想香港議員點樣為民發聲。

自由，從來都係得來不易，因為前人嘅種樹，後人先可以有機會乘涼。而以前嘅香港人，搵到錢只會計劃點離開呢個是非之地，而無爭取過為香港嘅後代做啲乜；到今日嘅呢代，睇緊Post嘅大家問心一句：你又為民主做過啲乜嘢？

我唔識點偽善地同大家講咩加油啊、要買多兩份啊，呢啲精神勝利法只係糖衣毒藥，香港嘅自由係一個共業，「溫水煮蛙」呢四個字我係十年前嘅蘋果漫畫已經成日見到，所以對於呢個結果我唔感到意外。

不如大家醒下啦。

十幾年前，泛民為左剔除異己，修改議事規則間接限制人發言，黃毓民大大聲鬧到無晒氣，究竟邊個送泛民入議會？蘋果又捐左幾多錢畀民主黨？恩恩怨怨，怎一個恨字了得，如果可以拍得醒香港人認清現實，可能係一件好事。

又或者，#今晚食乜好 定係 #點拎五千蚊，一年後會唔會有人記得今日發生咩事？唔知了。

作者：庵念慈

娛樂圈的後生老海鮮，日日被容總追稿的追夢人。現為文化研究碩士學生。

閱讀後覺得好，請多多讚好及分享～：）