或許我對你嘅愛，就好似精蟲上腦一樣

無論你係男或女，你有冇試過被對方拒絕，或被分手時突然會變得情緒化，然後諗盡一切方法，氹呀求呀唉呀，希望對方回心轉意？嗰下嘅你突然覺得對方就係你嘅一切。就算你知對方都只不過人類一個，得唔到呢個咪搵下個囉，但無奈嗰一刻你腦內就只有佢。你開始痴左線咁，開始make好多不切實際嘅promise。

「你係咪覺得我點點點呀，我改呀。」女仔嘅話可能會想送上門。

將矜持甚麼都置諸不理，就算留唔到佢個心都想試圖留住佢個人。

「我想見多你一次呀……你係咪話想睇我著上次條裙呀。」做咁多野，為嘅就只想聽句「咁好啦，我地去啦。」「好啦，唔分喇。」

而最吊詭係當係隔一陣、隔一晚你再諗返──吓？點解我嗰陣會咁做？揀多次我應該會覺得算囉，甚至block左佢move the fuck on囉。各位，點解會咁架呢？我唔係咩專家，但我諗呢個就係愛意同性衝動嘅分别。究竟你對對方係經常性地「Mary～我好掛住你呀～」還是係突然覺得「Mary! Mary! 我愛你呀！Zzzzz」。下次遇到類似嘅難題時試下唔好好似吳卓羲咁衝動，不妨停一停諗一諗，隔幾個鐘，隔一晚先作出適當嘅決定呀。

利申：女 分唔到 所以會隔一晚先搵返對方

作者：柚希

從劣食國度回流返港嘅天然呆痴女，興趣係昅仔。

閱讀後覺得好，請多多讚好及分享～：）