梅媽的神奇小子

 

人物傳記既戲其實好好睇,不過好多時都係外國片或者中台先有,香港好難得咁出到蘇樺偉同梅艷芳呢類咁好睇既人物傳記片。

而適逢《梅艷芳》傳記電影大收,佢好出名既仆街老母同人渣大佬又出黎獻世,律師同各方網民一齊研究完梅啟明個提告,都唔知佢告乜鳩。

 

總之,呢兩母子真係好神奇~

幾乎全家都死哂,得佢地兩個日日係度獻世。

梅媽直頭幾乎仔女都全歿,情況實屬罕見,到底點解咁神奇?

都唔及梅啟明既一生咁神奇~

 

首先,梅啟明成世都未返過工,一直都係老母同D妹養佢:細個就老母養,到梅艷芳四歲開始賣唱登台就係D妹妹養。當兩個妹妹去工作養家,佢就可以去返學讀書,不過似乎都係嘥錢。

讀書唔掂就繼續由做左歌星既梅艷芳養,真係養尊處優,無人能及的福份。

 

其次,唔識做生意但只要想做生意就透過老母問梅艷芳借二百萬搞乜柒狗場(等如而家會俾動保界屌到開花既繁殖場),1998年既二百萬即係而家幾多錢?

無論係讀書定做生意都一定有屋企人支持,呢樣真係連分唔到大劉身家既鳴煒都恨唔到呀~

係一種完全既support同愛呀!!!

有冇見過人既讀唔成書、搞生意又失敗、乜柒都唔得仲可以有咁多無限既支持?

一般屋企人都勸不如打份工、過簡單生活好過啦。唯梅媽從來都唔相信自己個仔只係平凡人,你睇佢地既人生幾努力去化腐朽為神奇?

七十二行,行行出狀元,爭遺產都可以爭到變KOL,睇下梅啟明幾紅?紅到可以同梅艷芳並駕齊驅,幾多樂壇新人默默耕耘N年都做唔到呀!你話呢D唔係神奇係乜?

 

我地再回顧下梅啟明D精彩事蹟:

 

1)多次在中環街頭拉橫額兼插香,又派發印有「世紀大騙案」的傳單抗議。

 

2)多次控訴梅艷芳遺產被騙

 

3)梅啟明曾與一名自稱是梅艷芳Fans的女子,高舉聲討橫幅和使用揚聲器,聲言要向醫院取得梅艷芳死因的醫生報告。

 

4)每當歌迷為梅艷芳冥壽或忌日擺齋宴時,梅啟明都會到場搞事。

 

5)梅啟明曾經聲稱已經找到證據為妹妹梅艷芳伸冤

 

6)2006年1月7日,梅艷芳農曆死忌,近百歌迷原定於菩提佛學中心為偶像舉行法事,梅啟明企圖阻止法事,驚動警方到場調解。

 

7)2007年12月30日,梅媽與梅啟明在梅艷芳故居與保安起衝突,梅媽仲打個保安。咁我地香港人都敬老既,所以保安都係默默行開。

 

8)梅啟明意圖進入梅艷芳故居被拒。

 

而係咁多事入面,梅媽依然對梅啟明不離不棄,母愛真係好偉大~

再者,無論打官司輸幾多次,都永不放棄,呢種咁特殊既精神真係唔係人人有~

香港人一般都怕事怕麻煩,佢地係香港生活咁耐都仲保持到果種挑戰法治既勇武,真係黃衛兵都唔夠佢黎呀!!!

 

然後,梅啟明成七十歲都仲有心有力包二奶,D女人又係梅艷芳遺產幫手養。

一個貌醜、身型似中左輻射、冇工作冇前途既男人,有遺產仲可以包女人,其實梅啟明個故事都幾勵志呀,只係佢個方向特殊到有D非人類。

 

安樂電影公司不妨考慮下拍返套《梅媽的神奇小人》黎做個續集,梅啟明既故事都叫做有努力、不放棄、維護法治精神既正面價值,香港電影又好似冇年過七十既男主角電影,會係幾創新既一次。

大家入場又可以帶定雞蛋、爛菜、垃圾,當梅啟明出黎謝票時,觀眾又可以用一種全新既方式歡迎佢,成件事幾美好。

 

作者:鳩文瘋

閱讀後覺得好,請多多讚好及分享~:)

其他熱門文章

  • 【PR】傳奇戰略遊戲系列回歸《Company of Heroes 3》2022 年 PC 平台上架 by VJGamer
      《Company of Heroes 3》戰役大解析影片公開 傳奇戰略遊戲系列強勢回歸。到美不勝 […]…
  • 《哪一天我們會飛》:從前有一個人,佢追求夢想,後來,佢死咗 by 江澄
    不過全齣戲教我最不舒服的是很多人讚,最後很多只模型飛機在獅子山前翱翔那幕。沒錯,畫面是很美,這場戲也有point,既達成了余鳳芝同時放一萬隻紙飛機的夢想,同時也是悼念早逝的好友。只是,回學校做這件事也算了,為什麼要一班完全無關的師弟妹參與,…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《三夫》– 肉慾背後的香港眼淚 by Kenneth Ng
    整套《三夫》有一半時間是性愛場面,但看的時候一點快意一點賞心悅目的感覺也沒有,反之是看得膽顫心驚、滿腔沉重。 […]…
  • 我去做占變大隻小鮮肉,去做愛至少有快感,我去遊行,然後呢? by 健吾
    昨天,去派對,見到第一個認識的人,是在雨傘中,天天瞓街的一個小孩。那時候小孩俊美得很,卻乾瘦一點。昨日再相逢,已變成一個肌肉小鮮肉。胸罅可以夾爆西瓜那種。他一群人,去曼谷瘋狂跳舞派對都不會再去一一大遊行,這代表什麼?是共產黨太厲害,還是反對…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
歡迎讚好我們的facebook page,免費資訊源源送上。

文章資訊

ID: 219825
Date: 2021-12-04 18:05:32
Generated at: 2022-01-24 10:49:18
Permalink: https://www.vjmedia.com.hk/articles/2021/12/04/219825/梅媽的神奇小子